მიშელის შეთანხმებასთან დაბრუნება „ქართული ოცნების“ მხრიდან იქნება ერთადერთი სწორი ნაბიჯი, - ამის შესახებ „მოქალაქეების“ დეპუტატმა, პარლამენტის ვიცე-სპიკერმა ლევან იოსელიანმა ჟურნალისტებთან განაცხადა.

როგორც მან აღნიშნა, „ქართული ოცნების“ მხრიდან შეთანხმებიდან გასვლა კრიზისს აღრმავებს.

„მიუხედავად იმისა, რომ შარლ მიშელის დოკუმენტში არის მთელი რიგი მუხლები, რომელიც თავიდანვე კარგი იქნებოდა სხვანაირად ყოფილიყო ფორმულირებული, მიმაჩნია, რომ ამ შეთანხმებასთან დაბრუნება „ქართული ოცნების“ მხრიდან იქნება ერთადერთი სწორი ნაბიჯი, რადგან ეს შეთანხმება არის ის ჩარჩო, რომელიც გვაძლევს საშუალებას, რომ მათ შორის დავუახლოვდეთ იმ ევროპულ სტანდარტს, რომელიც ამ შეთანხმებით შეიქმნა და გვაძლევს საშუალებას, რომ დავასრულოთ პილიტიკური კრიზისი. ამ შეთანხმებიდან გასვლა კრიზისს მხოლოდ აღრმავებს,” - განაცხადა იოსელიანმა.