საქართველოს პრეზიდენტის, სალომე ზურაბიშვილისა და „ქართული ოცნების“ თავმჯდომარე ირაკლი კობახიძის შეხვედრა დასრულდა.შეხვედრის დასრულების შემდეგ ირაკლი კობახიძემ ათონელის რეზიდენცია კომენტარის გარეშე დატოვა.

ამ წუთებში პრეზედენტი უკვე „გირჩის“ ერთ-ერთ ლიდერს, ვახტანგ მეგრელიშვილს ხვდება.

ამასთან, ირაკლი კობახიძის გარდა დღის განმავლობაში პრეზიდენტი მმართველი გუნდის კიდევ ერთ წარმომადგენელს, პარლამენტის ვიცე-სპიკერ არჩილ თალაკვაძეს შეხვდება. გარდა ხელისუფლების წარმომადგენლებისა, სალომე ზურაბიშვილი დღეს, ინდივიდუალურად ოპოზიციის წარმომადგენლებთანაც გამართავს აუდიენციებს. კერძოდ, შეხვედრებია დაგეგმილი ბადრი ჯაფარიძესთან, მამუკა ხაზარაძესთან, ვახტანგ მეგრელიშვილთან, ლევან იოსელიანთან და ხათუნა სამნიძესთან.