კომიტეტებმა გარემოსდაცვითი შეფასების კოდექსში შესატან ცვლილებებზე იმსჯელეს

რეგიონული პოლიტიკისა და თვითმმართველობის და დარგობრივი ეკონომიკისა და ეკონომიკური პოლიტიკის კომიტეტების ერთობლივ სხდომაზე, დეპუტატებმა „გარემოსდაცვითი შეფასების კოდექსში ცვლილების შეტანის შესახებ“ კანონპროექტი და მასთან დაკავშირებული კანონპროექტები პირველი მოსმენით, პრინციპების დონეზე განიხილეს.

როგორც გარემოს დაცვისა და ბუნებრივი რესურსების კომიტეტის თავმჯდომარემ მაია ბითაძემ აღნიშნა, საკანონმდებლო ცვლილებების მომზადების მთავარი მიზანია მოაწესრიგოს გარკვეული ინსტიტუციური საკითხები, რომლებიც გარემოს ზემოქმედების შეფასების პროცედურასთან არის დაკავშირებული.

„ინსტიტუციურ მართვაში ვგულისხმობ გარემოს ზემოქმედების შეფასების პროცედურასთან დაკავშირებული საექსპერტო საკვლევი კომპონენტის მთლიანად გარემოს ეროვნულ სააგენტოში გადატანას. პრაქტიკაში გარემოს ეროვნული სააგენტო აქამდეც დაკავებული იყო სწორედ გარემოს ზემოქმედების შეფასების პროცედურის საექსპერტო ნაწილზე, ხოლო საკანონმდებლო ცვლილებების მიღების შემდგომ იგი იქნება მთავარი ინსტიტუტი, რომელიც გაცემს დადებით ან უარყოფით დასკვნებს გარემოს ზემოქმედების შეფასების ანგარიშთან და ასევე მიმდინარე საქმიანობის გაგრძელების თაობაზე ანგარიშთან დაკავშირებით“, - განაცხადა მაია ბითაძემ.

მისი შეფასებით, აღნიშნული ცვლილება გარკვეულწილად გააუმჯობესებს ბიუროკრატიულ მექანიზმს. როგორც ის აღნიშნავს, გარემოსდაცვითი შეფასების კოდექსში ცვლილების შეტანის პარალელურად ცვლილებები რვა საკანონმდებლო აქტშიც შედის.

„კანონპროექტის მიღების შედეგად, სისტემაში ჩამოყალიბდება ინსტიტუციური მოწყობისა და მმართველობის იმგვარი მოდელი, რომელიც მნიშვნელოვნად გაამარტივებს, გააუმჯობესებს და უფრო ეფექტიანს და ეკონომიკურს გახდის კოდექსით გათვალისწინებულ გარემოზე ზემოქმედების შეფასების სფეროში გადაწყვეტილებების მიღების პროცესს“, - განაცხადა მომხსენებელმა.

პარლამენტის წევრების მაია ბითაძის, ხატია წილოსანის, გოგი მეშველიანის, ნინო ლაცაბიძის, ირაკლი ზარქუას, ალექსანდრე დალაქიშვილის, ედიშერ თოლორაიას, ირაკლი ხახუბიას, ნოდარ ტურძელაძისა და დავით კაჭარავას საკანონმდებლო ინიციატივას პირველი მოსმენით ორივე კომიტეტმა დაუჭირა მხარი.

თენგიზ ფხალაძე - დღეს თამაშის დრო ნამდვილად არ არის, 12-ვე ვალდებულება უნდა შესრულდეს და არა შესრულების ილუზია შეიქმნას, კანდიდატობის ვერ მიღება მხოლოდ ჩვენს თავს უნდა დავაბრალოთ და სხვას არავის
ქართული პრესის მიმოხილვა 27.06.2022
უკრაინის დამოუკიდებელი ანტიკორუფციული კომისიის აღმასრულებელი დირექტორი - დრო ჩვენთვის სიცოცხლით იზომება, ჩვენ არც თუ ისე ტოლერანტულები ვართ ლოდინისადმი - ამ დროში ვკარგავთ ქვეყანას, რომელსაც რუსეთი წამებით კლავს
„სილქ როუდ ჯგუფი“ ბიზნესმენ ლევან კაჭარავას გარდაცვალებას ეხმაურება
პირველი კრიპტო POS-ტერმინალი საქართველოშია