ანა ნაცვლიშვილი - თუ ვინმე ამ ქვეყანას სანქციებისკენ ექაჩება, ეს "ქართული ოცნებაა"

თუ ვინმე ამ ქვეყანას სანქციებისკენ ექაჩება, ეს "ქართული ოცნებაა", - აღნიშნული განცხადება საპარლამენტო ფრაქცია "ლელო-პარტნიორობა საქართველოსთვის“ წევრმა ანა ნაცვლიშვილმა გააკეთა.

ნაცვლიშვილის თქმით, ის არ იცნობს ოპოზიციურ ძალას, რომელიც ქვეყნისთვის სანქციების დაწესებაზე დაჟინებით მუშაობს.

"თუ საზოგადოებაში არსებობს მოლოდინი იმის შესახებ, რომ საქართველო დაისჯება, ეს სწორი მოლოდინი არ არის. ევროპა და აშშ რუსეთისგან იმით განსხვავდება, რომ ის პარტნიორებს სადამსჯელო ტანკით, ხიშტით და თოფით არ ესაუბრება. ევროპა და აშშ იმით არის განსხვავებული და ჩვენთვის ღირებული პარტნიორი, რომ მთელ ძალისხმევასა და რესურსს მიმართავს არა ვინმეს დასჯისკენ, არამედ ძალისხმევას ხარჯავენ, რომ დახმარონ, გააგებინონ, ხელი შეუწყონ. ხარჯავენ ფულს, დროს, რომ ამ ქვეყნის სახელმწიფო ინსტიტუტები დემოკრატიული ქვეყნის სახელმწიფო ინსტიტუტებს დაემსგავსოს. ჩვენ ვართ ხელისუფლების მხრიდან არაერთი უკან გადადგმული ნაბიჯის მომსწრე. თუ ასე გაგრძელდა, "ქართული ოცნების" პოლიტიკა, ქვეყანას სანქციებს თავად დაუწესებს. თუ საინვესტიციო გარემო დარჩა ის, რაც არის, თუ თავდასხმა, გაზრდილი კრიმინალი და დაუსჯელობის განცდა არ შეიცვალა, ხელისუფლება ქვეყანას სანქციების დე ფაქტო მდგომარეობაში თავად მოაქცევს. მნიშვნელობა არა აქვს ამას სანქცია ერქმევა თუ უბრალოდ ინვესტორები, ტურისტები, ჩვენი მეგობრები თანდათან ჩათვლიან, რომ საქართველოსთან ურთიერთობა, საქმის დაჭერა უსაფრთხო და მიზანშეწონილი არ არის", - განაცხადა ანა ნაცვლიშვილმა.

რამაზ საყვარელიძე - თუ „ქოც/ნაცებმა“ მიაღწიეს საწადელს, ისევ დატოვეს ამომრჩეველი ორ პოლუსს შორის, მაშინ არაფერი შეიცვლება, ამ კინოსაც ის დასასრული ექნება, რაც ადრინდელ კინოებს ჰქონდათ
ქართული პრესის მიმოხილვა 23.09.2021
დიმიტრი შველიძე - ახლა პოლიტიკური ელიტა იდეებისაგან დაცლილია, ფულის ფაქტორი გადამწყვეტია, სოციალური პოლარიზაცია უძლეველია და კაცმა არ იცის, ელექტორატის უმრავლესობა ვის უჭერს მხარს
საქართველოს უნივერსიტეტი ვაქცინაციის პროცესში ჩაერთო
შპს „ლუკოილ-ჯორჯიამ“ კომპანია „უნიგრუპის“ წინააღმდეგ სასამართლოში სარჩელი შეიტანა
„კასტელო მარე“ ზაფხულის წარმატებული სეზონის შემდეგ საშემოდგომო სეზონისთვის ემზადება
„უმალი“ გაყინული თევზის ბაზარზე შესვლას გეგმავს