გიორგი ხვედელიანი - სალომე ზურაბიშვილს უკეთ ესმის საერთაშორისო პარტნიორების ენა, ვიდრე „ქართულ ოცნებას“

სალომე ზურაბიშვილს ბევრად მეტად ესმის საერთაშორისო საზოგადოების ენა, ვიდრე, მაგალთად, ღარიბაშვილს და კობახიძეს, - ამის შესახებ „ერთიანი ნაციონალური მოძრაობის“ წევრმა, გიორგი ხვედელიანმა განაცხადა.

როგორც მან აღნიშნა, ცალკე საკითხია, რამდენად სარწმუნოა პრეზიდენტ სალომე ზურაბიშვილის კრიტიკული განცხადება, რომელიც „ქართული ოცნების“ მიერ 19 აპრილის შეთანხმების ანულირებას ეხებოდა.

„რაც არ უნდა კრიტიკულად ვიყოთ განწყობილი სალომე ზურაბიშვილის მიმართ, რისი საფუძველიც მისი ქმედებები, მისი უმოქმედობა და მისი პრეზიდენტად არჩევასთან დაკავშირებული პროცესებია, უნდა ვთქვათ სიმართლე - მას ბევრად მეტად ესმის საერთაშორისო საზოგადოების ენა, ვიდრე, მაგალითად, ღარიბაშვილს და კობახიძეს.

მან ცალსახად დაინახა განწყობა, რომელიც როგორც შარლ მიშელს, ისევე ჩვენ სხვა საერთაშორისო პარტნიორებს ჩამოუყალიბდათ მას შემდეგ, რაც ხელისუფლებამ შეთანხმება თავზე გადაახია საზოგადოებას. აქედან გამომდინარე მისი ეს პოზიცია ცალმხრივად სწორია. ცალკე საკითხია რამდენად შეიძლება სარწმუნოდ მივიჩნიოთ მისი დამოუკიდებლობის ხარისხი. თუ ეს არის გამბედაობა, ნამდვილად მისასალმებელია და შემდეგ ნაბიჯებშიც გამოჩნდება. ასე რომ, დავაკვირდეთ მომავალში განვითარებულ პროცესებს”, - განაცხადა გიორგი ხვედელიანმა.

რამაზ საყვარელიძე - თუ „ქოც/ნაცებმა“ მიაღწიეს საწადელს, ისევ დატოვეს ამომრჩეველი ორ პოლუსს შორის, მაშინ არაფერი შეიცვლება, ამ კინოსაც ის დასასრული ექნება, რაც ადრინდელ კინოებს ჰქონდათ
ქართული პრესის მიმოხილვა 23.09.2021
დიმიტრი შველიძე - ახლა პოლიტიკური ელიტა იდეებისაგან დაცლილია, ფულის ფაქტორი გადამწყვეტია, სოციალური პოლარიზაცია უძლეველია და კაცმა არ იცის, ელექტორატის უმრავლესობა ვის უჭერს მხარს
საქართველოს უნივერსიტეტი ვაქცინაციის პროცესში ჩაერთო
შპს „ლუკოილ-ჯორჯიამ“ კომპანია „უნიგრუპის“ წინააღმდეგ სასამართლოში სარჩელი შეიტანა
„კასტელო მარე“ ზაფხულის წარმატებული სეზონის შემდეგ საშემოდგომო სეზონისთვის ემზადება
„უმალი“ გაყინული თევზის ბაზარზე შესვლას გეგმავს