ოკუპირებული ცხინვალისა და აფხაზეთის ე.წ. პრეზიდენტები ანატოლი ბიბილოვი და ასლან ბჟანია ახალგორის რაიონში, ქსნის ერისთავების სასახლეში იმყოფებოდნენ.

სააგენტო RES-ი ბიბილოვის პრესსამსახურზე დაყრდნობით იუწყება, რომ „ორი მეგობარი სახელმწიფოს მეთაურებს სასახლეში უამბეს ქსნის ერისთავების ცხოვრების და სასახლის მშენებლობის ისტორიის შესახებ“.

„ასლან ბჟანიაზე დიდი შთაბეჭდილება მოახდინა სამუზეუმო კომპლექსის სილამაზემ და თავისებურებამ. მან საპატიო ვიზიტორთა წიგნში ჩანაწერი დატოვა“,- წერს სააგენტო.

ცნობისათვის, ოკუპირებული აფხაზეთის „დელეგაცია“, ასლან ბჟანიას ხელძღვანელობით, ოკუპირებულ ცხინვალში 6 აგვისტოს ჩავიდა და რეგიონს დღეს დატოვებს.