მიხეილ სააკაშვილი - ვაქცინა ხელოვნურად არ შემოჰქონდათ - ბიძინა ივანიშვილს უნდა, არჩევნებისთვის ხალხი იყოს სახლში და ნებისმიერი ციფრი დაწეროს

ვაქცინა ხელოვნურად არ შემოჰქონდათ - ივანიშვილს უნდა, ვინც ვერ გააგდო კომბოსტოს საკრეფად გერმანიაში, უბრალოდ დახოცოს, - ასე ეხმაურება საქართველოს ყოფილი პრეზიდენტი მიხეილ სააკაშვილი სოციალურ ქსელში, კერძოდ, ვიდეო მიმართვაში, საქართველოში არსებულ ეპიდვითარებას.

როგორც სააკაშვილი აღნიშნავს, ხალხის გენოციდი მიმდინარეობს და ახლა „კეკლუცობის დრო არ არის“.

„დღეს საქართველოში დაფიქსირდა კოვიდისგან 80-მდე ადამიანის სიკვდილი. მიუხედავად იმისა, რომ გუშინ, ერთ-ერთმა „მუშკეტერმა“ წამოაყრანტალა არაფერი ნახტომი არ არისო, ისინი ცრუობენ! ვესაუბრე ეპიდემიოლოგებს და ინფექციონისტებს თბილისში. უახლოეს დღეებში დაღუპულთა რაოდენობა გადაცდება 100 ადამიანს, იმიტომ, რომ ძალიან ბევრი ადამიანი ჰყავთ ინტუბაციაზე, პრაქტიკულად, ხელოვნურად უხანგრძლივებენ განწირულ ადამიანებს სიცოცხლეს. საქართველო არის პირველ ადგილზე მსოფლიოში, ერთ სულ მოსახლეზე დაღუპულთა რაოდენობით. თავიდან არავინ იცოდა ამ ეპიდემიის მართვა, მაგრამ ხალხმა მსოფლიოში ისწავლა ეპიდემიის მართვა, შემდეგ შემოვიდა ვაქცინა და აიცრნენ. საქართველოში იტყუებოდნენ, რომ მართვა იცოდნენ, ვაქცინა ხელოვნურად არ შემოიტანეს, ივანიშვილის განკარგულებით. ამას ვამტკიცებ სრული კომპეტენტურობით. მე თვითონ ვუშოვე ვაქცინა და ამაზე თქვა მთავრობამ უარი, რამდენიმე სხვა ქვეყანამ შესთავაზა. სანამ ძალით არ შეტენეს ამერიკელებმა, არც იღებდნენ ამ ვაქცინას. ხელოვნურად არ შემოჰქონდათ ვაქცინა, ბიძინა ივანიშვილს უნდა არჩევნებისთვის ხალხი იყოს სახლში, ნებისმიერი ციფრი დაწეროს. ივანიშვილს უნდა, ვინც ვერ გააგდო კომბოსტოს საკრეფად გერმანიაში, უბრალოდ დახოცოს. ეს ხალხის გენოციდია, არაფერ შუაშია ყელყელაობა და კეკლუცობა. სიმართლე უნდა ითქვას, რაზეა საუბარი.

ხალხო, ჩვეულებრივად განადგურებენ! საქართველოში ყველა ომში ერთად აღებული არ დაიღუპა და არ დაიღუპება ამდენი ადამიანი, რამდენიც ამ დაავადებისგან იღუპება, რაც ხელოვნურად არის გაკეთებული “,- აღნიშნავს სააკაშვილი და დასძენს, რომ ეს არ არის უნიათობა და უუნარობა, ეს არის შეგნებული განადგურება, საკუთარი მოქალაქეების მკვლელობა.

ცნობისთვის, დღეს, საქართველოში კორონავირუსის 4 901 ახალი შემთხვევა დადასტურდა, გარდაიცვალა 74 ადამიანი.

რამაზ საყვარელიძე - თუ „ქოც/ნაცებმა“ მიაღწიეს საწადელს, ისევ დატოვეს ამომრჩეველი ორ პოლუსს შორის, მაშინ არაფერი შეიცვლება, ამ კინოსაც ის დასასრული ექნება, რაც ადრინდელ კინოებს ჰქონდათ
ქართული პრესის მიმოხილვა 23.09.2021
დიმიტრი შველიძე - ახლა პოლიტიკური ელიტა იდეებისაგან დაცლილია, ფულის ფაქტორი გადამწყვეტია, სოციალური პოლარიზაცია უძლეველია და კაცმა არ იცის, ელექტორატის უმრავლესობა ვის უჭერს მხარს
წინანდლის ფესტივალის პრესსამსახური განცხადებას ავრცელებს
ქართველმა მეცნიერებმა და ევროკავშირის დაძმობილების პროექტის ექსპერტებმა "მწვანე გარიგების” პერსპექტივები განიხილეს
„სს ფუდმარტი“ რიგით მე-500 მაღაზიას ხსნის
სტერეო +  განცხადებას ავრცელებს