გიგი უგულავა - არ არის ყალბი კეკლუცობის, კომპლექსების ტირაჟირების დრო, არამედ არის ბრძოლის, ბრძოლის და მხოლოდ ბრძოლის დრო!

არ არის ყალბი კეკლუცობის, კომპლექსების ტირაჟირების დრო, არამედ არის ბრძოლის, ბრძოლის და მხოლოდ ბრძოლის დრო!“ - ამის შესახებ ოპოზიციის ნაწილის ფოთის მერობის საერთო კანდიდატმა გიგი უგულავამ მისი წარდგენის ღონისძიებაზე განაცხადა.

როგორც უგულავამ აღნიშნა, მთავარი პრობლემა ოლიგარქიაშია.

„მთავარი პრობლემა თბილისშია, ივანიშვილშია. მთავარი პრობლემა ოლიგარქიაშია. ივანიშვილთან ერთად ჩვენ უნდა დავძლიოთ ყველაზე უფრო დიდი სენი, რომელიც ჩვენ შემოგვეყარა საბჭოთა კავშირიდან გამოსვლის შემდეგ, ეს არის ოლიგარქია, სადაც ერთი მუჭა ადამიანები მდიდრდებიან, დანარჩენი, მთელი საზოგადოება ღარიბდება. ოლიგარქიაში არავის აქვს შანსი, თუ მათ არ შეეკარი. ამიტომ არის ოლიგარქია კიბო.

მინდა ავხსნა ჩემი მოტივაცია. ძალიან ბევრი მეკითხება, ჩემს პოლიტიკურ გეგმებზე. რას აპირებ, ან რატომ მიიღე ეს გადაწყვეტილება, რატომ 5 ნომერი. როდესაც ჩვენ ვისაუბრეთ ჩემთან დაკავშირებით, რომ ფოთში უნდა წამოვსულიყავი, ნიკამ შემომთავაზა იქნებ ნეიტრალური ნომერი აიღო, რაზეც უარი ვთქვი, არ არის დრო ყალბი კეკლუცობის, არ არის დრო კომპლექსების ტირაჟირების, არამედ არის ბრძოლის, ბრძოლის და მხოლოდ ბრძოლის დრო. არ არის დრო გავარჩიოთ ეს ნომერი მინდა, ის ნომერი მინდა. სულერთია, ის ნომერი უნდა იყოს, რომელიც გამარჯვებას მოიტანს, ის ნომერი უნდა იყოს, რომელიც განვითარებას მოიტანს და დაამარცხებს ოლიგარქიას. იქნება ეს 5 ნომერი? იყოს 5 ნომერი, იქნება ეს სხვა ნომერი? იყოს სხვა ნომერი. მთავარია ოლიგარქია დამარცხდეს, ფოთი გახდეს ავანგარდში“,-აღნიშნავს უგულავა.

მისივე თქმით, ზეპარტიულ ბრძოლაში შედიან და ეს არის ბრძოლა „ივანიშვილის ოლიგარქიული რეჟიმის დემონტაჟისთვის“.

„დღეს ისე, როგორც არასდროს ზეპარტიულ ბრძოლაში შევდივართ. ეს ბრძოლა არ არის რომელიმე პარტიის ბრძოლა. ეს ბრძოლა არის დასაწყისი ბიძინა ივანიშვილის ოლიგარქიული რეჟიმის დემონტაჟის, ოღონდ ისე, რომ ჩვენ არ დავანგრიოთ სხვა რამ, რაც სათუთია და მნიშვნელოვანია ჩვენი ქვეყნისთვის. ისინი ბევრ სისაძაგლეს ჩაიდენენ, ამაში 100%-ით ვიყოთ დარწმუნებული, მაგრამ ჩვენი პასუხი უნდა იყოს სიმშვიდე, 2 ოქტომბერს რეფერენდუმზე გამარჯვება“,-აღნიშნავს უგულავა.

რამაზ საყვარელიძე - თუ „ქოც/ნაცებმა“ მიაღწიეს საწადელს, ისევ დატოვეს ამომრჩეველი ორ პოლუსს შორის, მაშინ არაფერი შეიცვლება, ამ კინოსაც ის დასასრული ექნება, რაც ადრინდელ კინოებს ჰქონდათ
ქართული პრესის მიმოხილვა 23.09.2021
დიმიტრი შველიძე - ახლა პოლიტიკური ელიტა იდეებისაგან დაცლილია, ფულის ფაქტორი გადამწყვეტია, სოციალური პოლარიზაცია უძლეველია და კაცმა არ იცის, ელექტორატის უმრავლესობა ვის უჭერს მხარს
წინანდლის ფესტივალის პრესსამსახური განცხადებას ავრცელებს
ქართველმა მეცნიერებმა და ევროკავშირის დაძმობილების პროექტის ექსპერტებმა "მწვანე გარიგების” პერსპექტივები განიხილეს
„სს ფუდმარტი“ რიგით მე-500 მაღაზიას ხსნის
სტერეო +  განცხადებას ავრცელებს