აჭარის ჯანდაცვის სამინისტროს ინფორმაციით, ბათუმში, წმინდა მოწამე ეკატერინეს სახელობის სათნოების სახლის ბენეფიციარების 95% ვაქცინირებულია
აჭარის ჯანდაცვის სამინისტროს ინფორმაციით, ბათუმში, წმინდა მოწამე ეკატერინეს სახელობის სათნოების სავანეს ბენეფიციარების 95% ვაქცინირებულია.
მათი განცხადებით, დღეს კორონავირუსის საწინააღმდეგო აცრა იმ ბენეფიციარებს ჩაუტარდათ, რომლებსაც ჯანმრთელობის მდგომარეობის გამო გადაადგილება არ შეუძლიათ.
სათნოების სავანეში ვაქცინაცის პროცესს აჭარის ა/რ ჯანმრთელობისა და სოციალური დაცვის მინისტრი, ნინო ნიჟარაძე და მინისტრის მოადგილე, მარი ზანაქიძე დაესწრნენ.
„თავშესაფრის ბენეფიციართა ვაქცინაცია განსაკუთრებით მნიშვნელოვანია, რადგან უმრავლესობა ასაკოვანია, ნაწილს კი აქვს ქრონიკული დაავადებები. მათი სრულყოფილად ვაქცინაციისათვის დღეს ამცრელი ბრიგადა ადგილზე მოვიდა. მოხარული ვარ, რომ აქ მცხოვრებთა 95% უკვე აცრილია", - განაცხადა მინისტრმა ნინო ნიჟარაძემ.
დღემდე სამედიცინო დაწესებულებში ვაქცინაცია სავანეს 60-მა ბინადარმა ჩაიტარა, ისინი უკვე ორი დოზით ვაქცინირებულები არიან.
