მიხეილ სარჯველაძე - ფინანსური დახმარების დაკარგვაზე საუბარი გავს ცრუ განგაშს

ფინანსური დახმარების დაკარგვაზე საუბარი გავს ცრუ განგაშს - რამდენიმე თვის წინ გაკეთდა განმარტებები ფინანსთა სამინისტროს მხრიდან და არ მგონია აქ რაიმე განგაშის მიზეზი არსებობდეს, - ამის შესახებ ადამიანის უფლებათა კომიტეტის თავმჯდომარე მიხეილ სარჯველაძემ ჟურნალისტებთან განაცხადა, რითაც გამოეხმაურა შარლ მიშელის განცხადებას, რომ მაკროფინანსური დახმარების გაცემის ვადა ახლოვდება და დროა, საქართველოს მთავრობამ გამოავლინოს ერთგულება შეთანხმებების მიმართ, განსაკუთრებით, რეფორმების დღის წესრიგთან დაკავშირებით.

კითხვაზე, არის თუ არა მიშელის განცხადება ერთგვარი შეხსენება შარლ მიშელის დოკუმენტით გათვალისწინებული რეფორმების განხორციელების აუცილებლობის, სარჯველაძე პასუხობს, რომ არავითარ შეხსენებაზე საუბარი არ შეიძლება იყოს.

„აქ საუბარია იმაზე, თუ რა არის მთავარი გეზის განმსაზღვრელი საქართველოს ევროინტეგრაციის პროცესისა, სწორედ ამ დოკუმენტების ხაზგასმა მოხდა. ეს არის დადასტურება იმისა, რომ საქართველო აგრძელებს მაქსიმალური სისწრაფით სვლას ევროკავშირში ინტეგრაციის მიმართულებით. ეს არის ძალიან მნიშვნელოვანი, განმსაზღვრელი და მთავარი საგზაო რუკა არის სწორედ ეს დოკუმენტები, რომელიც არის მოხსენიებული. რაც შეეხება ფინანსური დახმარების დაკარგვა-არდაკარგვას, ასე ნუ დასვამთ საკითხს, ამაზე რამდენიმე თვის წინ გაკეთდა განმარტებები ფინანსთა სამინისტროს მხრიდან და არ მგონია აქ რაიმე განგაშის მიზეზი არსებობდეს, ამაზე საუბარი გავს ცრუ განგაშს, ამის საფრთხე და მიზეზი არ არსებობს“, - განაცხადა სარჯველაძემ.

დიმიტრი შველიძე - ახლა პოლიტიკური ელიტა იდეებისაგან დაცლილია, ფულის ფაქტორი გადამწყვეტია, სოციალური პოლარიზაცია უძლეველია და კაცმა არ იცის, ელექტორატის უმრავლესობა ვის უჭერს მხარს
ქართული პრესის მიმოხილვა 20.09.2021
თენგიზ ფხალაძე - საშიშ ფაზაში ვიმყოფებით, მსოფლიოში მიმდინარე პროცესები ყურადღების მიღმა გვრჩება, ყველაფერს ვაკეთებთ სახელმწიფოს ჩამოსაშლელად, მოწინააღმდეგეს მხოლოდ ისღა რჩება, რომ ამ პროცესში ხელი არ შეგვიშალოს
(სტერეოტიპული) წარმოდგენები ცვალებადი გარემოებების პირისპირ: იდეალიზმიდან რეალიზმისაკენ
დიდი ფასდაკლება შერჩეულ პროდუქციაზე - სექტემბრის ტოპ შეთავაზება „მიჰაუსისგან“
კომპანია “ლისი რეკრეაცია” ლისის ტბასთან დაკავშირებით ინფორმაციას ავრცელებს