საქართველოში ევროკავშირის ოფისში ოპოზიციური პარტიების წარმომადგენლებთან შეხვედრა მიმდინარეობს. შეხვედრა ცოტა ხნის წინ დაიწყო.

ოპოზიციის ინფორმაციით, აუდიენცია „მიშელის კაბინეტთან“ იმართება. შეხვედრას „სტრატეგია აღმაშენებლის“ ლიდერი გიორგი ვაშაძე, ფრაქცია „შარლ მიშელის რეფორმების ჯგუფის“ თავმჯდომარე ხათუნა სამნიძე, პარტია „საქართველოსთვის“ წევრი ნათია მეზვრიშვილი, ფრაქცია „ლელოს“ წევრი სალომე სამადაშვილი და „გირჩის“ წარმომადგენელი ვახტანგ მეგრელიშვილი ესწრებიან.

ასევე, აუდიენციაში ონლაინ რეჟიმში, გერმანიიდან მონაწილეობენ „ლელოს“ ერთ-ერთი ლიდერი ბადრი ჯაფარიძე და „ნაციონალური მოძრაობის“ წევრი თინა ბოკუჩავა.

"ეს შეხვედრა დაიგეგმა პრეზიდენტ მიშელის კაბინეტის ინიციატივით, მათი მოწვევით. საუბარი შეეხება ქვეყანაში წინასაარჩევნოდ მიმდინარე პროცესებს და იმ საკითხებს, რომელიც შარლ მიშელის დოკუმენტში ასახულია და უკან წაიღო ცალმხრივად „ქართულმა ოცნებამ", - განუცხადა ჟურნალისტებს შეხვედრის დაწყებამდე ხათუნა სამნიძემ.