მაჭავარიანის ქუჩაზე მოძრაობა აღდგა. როგორც ჟურნალისტებთან საუბარში თბილისის მერმა კახა კალაძემ განაცხადა, გზაზე ორმხრივი მოძრაობა აღდგენილია და გადაადგილება არის უსაფრთხო.
“დღეს შეიძლება უკვე ვთქვათ, რომ გზა გახსნილია, მაჭავარიანის ქუჩაზე სამუშაოები დამთავრებულია, საგზაო ინფრასტრუქტურა მოწყობილია. ორმხრივი მოძრაობა აღდგენილია, უსაფრთხო არის ფერდი, სადაც ძალიან დიდი სამუშაოებია ჩატარებული, რომელიც ახლაც მიმდინარეობს. დღეიდან შესაძლებელია ამ გზაზე გადაადგილება და ეს არის უსაფრთხო”, - განაცხადა კახა კალაძემ.