ნათია მეზვრიშვილი - ვართ გუნდი, რომელმაც ურთულეს პირობებში, პანდემიისას შეძლო არჩევნების უსაფრთხო გარემოში ჩატარება

ვართ გუნდი, რომელმაც ურთულეს პირობებში, პანდემიისას შეძლო არჩევნების უსაფრთხო გარემოში ჩატარება - ეს არის შესაძლებელი, ამიტომ ხელისუფლებას ამაზე უნდა მოვთხოვოთ კონკრეტული ნაბიჯების გადადგმა, - ამის შესახებ პარტია „საქართველოსთვის“ ერთ-ერთმა ლიდერმა ნათია მეზვრიშვილმა „მიშელის კაბინეტის" შეხვედრის დასრულების შემდეგ ჟურნალისტებთან განაცხადა.

ნათია მეზვრიშვილის თქმით, ხელისუფლებამ უნდა ახსნას, თუ რას აპირებს არჩევნების უსაფრთხო გარემოში ჩატარებისთვის.

„ასეთ გართულებულ ეპიდემიოლოგიურ მდგომარეობაში ადამიანების სიცოცხლე და ჯანმრთელობა არის უპირველესი ამოცანა, ჩვენი გუნდისთვის ყოველთვის ასე იყო, მათ შორის მაშინ, როცა ხელისუფლებაში ვიყავით. როდესაც არჩევნების გადადებაზე ვსაუბრობთ, არ უნდა დაგვავიწყდეს, რომ ხელისუფლებამ ნება უნდა იბოძოს და აგვიხსნას რას აპირებს, იმისათვის, რომ არჩევნები ადამიანების სიცოცხლის და ჯანმრთელობისთვის უსაფრთხო გარემოში ჩატარდეს.

იმის ნიშანწყალს ვერ ვხედავთ, რომ „ქართული ოცნების“ დღევანდელ ხელმძღვანელობას ადარდებს ის რაც კოვიდთან დაკავშირებით ხდება, ვერ ვხედავთ, რომ ვინმე ამას პასუხისმგებლობით ეკიდება და პასუხისმგებლობას გრძნობს. პასუხისმგებლობის გადატანა ზოგიერთ შემთხვევაში ხდება ხალხზე, ხოლო ზოგ შემთხვევაში ეპიდემიოლოგებსა და ექიმებზე, მათ შორის, ხელისუფლების მხრიდან რაც მიუღებელია. მათი უპირველესი ვალია, რომ სიტუაცია დაასტაბილურონ. იქ ვიყავით, ვმართავდით, ვართ გუნდი, რომელმაც ურთულეს პირობებში, პანდემიისას შეძლო არჩევნების უსაფრთხო გარემოში ჩატარება და კიდევ ერთხელ ვამბობ ეს არის შესაძლებელი, ამიტომ ამაზე უნდა მოვთხოვოთ კონკრეტული ნაბიჯების გადადმა და არა რაღაცა კომფორტი შევუქმნათ იმით, რომ არჩევნების გადადებაზე დავიწყოთ საუბარი“, - განაცხადა მეზვრიშვილმა.

ალექსანდრე თვალჭრელიძე - არ შემეშინდება გითხრათ, რომ არჩევნების შემდეგ ჩვენ განსხვავებულ პოლიტიკურ სტრუქტურას მივიღებთ
ქართული პრესის მიმოხილვა 27.09.2021
რამაზ საყვარელიძე - თუ „ქოც/ნაცებმა“ მიაღწიეს საწადელს, ისევ დატოვეს ამომრჩეველი ორ პოლუსს შორის, მაშინ არაფერი შეიცვლება, ამ კინოსაც ის დასასრული ექნება, რაც ადრინდელ კინოებს ჰქონდათ
წინანდლის ფესტივალის პრესსამსახური განცხადებას ავრცელებს
ქართველმა მეცნიერებმა და ევროკავშირის დაძმობილების პროექტის ექსპერტებმა "მწვანე გარიგების” პერსპექტივები განიხილეს