ლანა გალდავა - პატიმრებისთვის, რომლებიც COVID 19-ის მიმართ მოწყვლად ჯგუფებად ითვლებიან, საჭიროა პირობით ვადამდე ადრე გათავისუფლების და ჯანდაცვის კომისიების სწრაფი ამოქმედება

პარტია „ლელო საქართველოსთვის“ ერთ-ერთი ლიდერის, ლანა გალდავას განცხადებით, იმ პატიმრებისთვის, რომლებიც COVID 19-ის მიმართ მოწყვლად ჯგუფებად ითვლებიან, საჭიროა პირობით ვადამდე ადრე გათავისუფლების და ჯანდაცვის კომისიების სწრაფი ამოქმედება, რომლებიც აღნიშნული პატიმრების მდგომარეობას განიხილავენ და მიიღებენ შესაბამის გადაწყვეტილებებს.

მისივე თქვით, ასევე პენიტენციურ დაწესებულებებში მსჯავრდებულთა მძიმე ფსიქოლოგიური მდგომარეობის გათვალისწინებით, ფსიქოლოგების ჩართვაა აუცილებელი.

„ჩემი ინფორმაციით, პენიტენციურ დაწესებულებებში კოვიდი გავრცელდა. ჯერ კიდევ შარშან, გაეროს ადამიანის უფლებათა უმაღლესმა კომისარმა, მიშელ ბაჩელეტმა ხელისუფლებებს მოუწოდა იმ პირების გათავისუფლების საკითხებისთვის გადაეხედათ, რომლებიც COVID19-ის მიმართ მოწყვლად ჯგუფებად ითვლებიან, ესენია ხანდაზმული პატიმრები და პირები, ვისაც სხვადასხვა სახის დაავადება აქვთ. ასევე, მსუბუქი დანაშაულებისთვის მსჯავრდებული პირები. განსაკუთრებული ყურადღება უნდა მიექცეს ქალი პატიმრების, შეზღუდული შესაძლებლობის მქონე პატიმრებისა და არასრულწლოვანთა ჯანმრთელობის სპეციფიკურ მოთხოვნებს. დღეის მდგომარეობით, საჭიროა სწრაფად ამოქმედდეს პირობით ვადამდე ადრე გათავისუფლების და ჯანდაცვის კომისიები, რომლებიც განიხილავენ ზემოაღნიშნული კატეგორიის მსჯავრდებულების მდგომარეობას და მიიღებენ შესაბამის გადაწყვეტილებებს. ასევე, მსჯავრდებულთა მძიმე ფსიქოლოგიური მდგომარეობის გათვალისწინებით, რასაც ემატება ორწლიანი სრული იზოლაცია, საჭიროა პენიტენციურ დაწესებულებებში პატიმრების დახმარების საკითხში ჩაერთონ ფსიქოლოგები”, - განაცხადა ლანა გალდავამ.

რამაზ საყვარელიძე - თუ „ქოც/ნაცებმა“ მიაღწიეს საწადელს, ისევ დატოვეს ამომრჩეველი ორ პოლუსს შორის, მაშინ არაფერი შეიცვლება, ამ კინოსაც ის დასასრული ექნება, რაც ადრინდელ კინოებს ჰქონდათ
ქართული პრესის მიმოხილვა 23.09.2021
დიმიტრი შველიძე - ახლა პოლიტიკური ელიტა იდეებისაგან დაცლილია, ფულის ფაქტორი გადამწყვეტია, სოციალური პოლარიზაცია უძლეველია და კაცმა არ იცის, ელექტორატის უმრავლესობა ვის უჭერს მხარს
სტერეო +  განცხადებას ავრცელებს
„სს ფუდმარტი“ რიგით მე-500 მაღაზიას ხსნის
„ვითიბი“ ბანკმა ილუზიების მუზეუმის გასახსნელად 700,000 ლარის ოდენობის სესხი გასცა
ვლადიმერ პაპავა - საუბარი, რომ „ვისოლში“ საწვავი არ ჩავასხათ, კონკრეტულ ქსელში საკვები არ ვიყიდოთ, ბიზნესზე ტერორია
საქართველოს უნივერსიტეტი ვაქცინაციის პროცესში ჩაერთო
შპს „ლუკოილ-ჯორჯიამ“ კომპანია „უნიგრუპის“ წინააღმდეგ სასამართლოში სარჩელი შეიტანა