30 აგვისტოს „მესამე ძალა“ პოლიტიკურ განცხადებას გააკეთებს, სადაც მისი პოლიტიკური გზავნილები გაჟღერდება, - ამის შესახებ „სტრატეგია აღმაშენებლის“ ერთ-ერთმა წევრმა სერგო ჩიხლაძემ განაცხადა.

სერგო ჩიხლაძის თქმით, ხვალ ფაქტობრივად დაიწყება წინასაარჩევნო კამპანია.

„30 აგვისტოს ჩვენი საარჩევნო კამპანია გაიხსნება. „მესამე ძალა“ გააკეთებს პოლიტიკურ განაცხადს და ზუსტად 30 აგვისტოს გახდება ცნობილი რა პოლიტიკური კონფიგურაციითა და გზავნილებით წარსდგება „მესამე ძალა“ საზოგადოებისა და ამომრჩევლის წინაშე. ფაქტობრივად დაიწყება წინასაარჩვენო კამპანია, რასაც შემდეგ დღეებში საარჩევნო პროგრამის და სხვადასხვა რეგიონში მაჟორიტარობისა და მერობის კანდიდატების წარდგენა მოჰყვება“, - განაცხადა ჩიხლაძემ.