ირაკლი ქადაგიშვილი - „მესამე ძალაში“ ის ლიდერები არიან, რომლებიც მუდმივად ერთი პარტიიდან მეორეში გადადიოდნენ - მოსახლეობა ასეთ გადაჯგუფებაში ახალს ვერაფერს ხედავს

2 ოქტომბრის არჩევნების წინ ვაშაძეების გაერთიანება მესამე ძალა ვერანაირად ვერ იქნება - ეს არის უფრო სურვილის გაცხადება, ვიდრე რეალობა, რაც შეიძლება ამ არჩევნებზე მივიღოთ,- ამის შესახებ ჟურნალისტებთან საპროცედურო საკითხთა და წესების კომიტეტის თავმჯდომარე ირაკლი ქადაგიშვილმა ჟურნალისტებთან განაცხადა, რითაც გამოეხმაურა პოლიტიკური გაერთიანება "მესამე ძალის" შექმნის დაანონსებას, სადაც "სტრატეგია აღმაშენებელთან" ერთად "ნაციონალური მოძრაობის" ყოფილი თავმჯდომარე გრიგოლ ვაშაძეც იქნება.

მისი თქმით, ახალ გაერთიანებაში ის ლიდერები არიან, რომლებიც "ნაციონალური მოძრაობის" სახეები იყვნენ, ასევე პოლიტიკოსები, რომლებიც მუდმივად ერთი პარტიიდან მეორეში გადადიოდნენ, ამიტომ მოსახლეობა ასეთ გადაჯგუფებაში ვერაფერს ახალს ვერ ხედავს.

„საქართველოს პოლიტიკურ ცხოვრებაში მესამე ძალის შექმნის მცდელობა პირველი არ არის. ფაქტობრივად, ბოლო 20-30 წლის განმავლობაში, ამის მცდელობა რამდენჯერმე იყო, მაგრამ სამწუხაროდ, წარმატებით ვერც ერთხელ ვერ დასრულდა. 2021 წლის 2 ოქტომბრის არჩევნების წინ ეს გაერთიანება მესამე ძალა ვერანაირად ვერ იქნება იქიდან გამომდინარე, რომ არც შემადგენლობა, არც პოლიტიკური კურსი და არც სხვა პირობები არ გააჩნიათ, რომ მესამე ძალად ჩამოყალიბდნენ. ვფიქრობ, რომ ეს არის უფრო სურვილის გაცხადება, ვიდრე რეალობა, რაც შეიძლება ამ არჩევნებზე მივიღოთ. მესამე ძალა მართლა სიახლეს უნდა ნიშნავდეს, ამ შემთხვევაში, ის პოლიტიკური აქტორები გვყავს, ვინც იყვნენ "ნაციონალური მოძრაობის" მკაფიოდ გამოხატული სახეები და ლიდერები, ასევე ის პოლიტიკური ძალები, რომლებიც მუდმივად ერთი პოლიტიკური ბანაკიდან მეორეში გადადიოდნენ. აქედან გამომდინარე, რაიმე სიახლეს როგორც ადამიანური, ასევე პოლიტიკური სიახლის შეთავაზების თვალსაზრისით მოსახლეობა ვერ ხედავს ამ გადაჯგუფება-გადმოჯგუფებაში. ეს გაერთიანება მესამე ძალა ვერ იქნება და ამას ერთი თვის თავზე ვნახავთ,“ - განახადა ქადაგიშვილმა.

გრიგორი კუკურუზა - ომით მიყენებული ზარალი დაახლოებით 1,1-1,2 ტრილიონ აშშ დოლარს შეადგენს - უკრაინას იმედი აქვს, რომ ქვეყნის აღსადგენად სახსრებს აგრესორი რუსეთისგან მიიღებს
ქართული პრესის მიმოხილვა 24.11.2022
რამაზ საყვარელიძე - ჩვენთვის კანდიდატის სტატუსის მოცემა მსოფლიოს ახალ პოლიტიკურ  სქემებზეა  დამოკიდებული და არა ჩვენი ოპოზიციის მიერ ევროპისთვის  შეშველებულ  12 პუნქტზე
რეალური შავი პარასკევი „ჰუალინგ პლაზაში“ – გაიგეთ შეთავაზების დეტალები
„სმარტ კაპიტალმა“ ედიშერ და გიგი გარაყანიძეების სახელობის სტიპენდიატები დააჯილდოვა
პეტროკას ენერჯი ჯგუფი და სანპეტროლიუმ ჯორჯია განცხადებას ავრცელებენ
„ბიბლუსში“ Black Friday დაიწყო - 50%-იანი ფასდაკლება მხოლოდ ვებგვერდზე შოპინგისას
500-მდე პარტნიორი კომპანია და 100%-იანი ზრდის პერსპექტივა - „არომაკო“ 2-წლიან საქმიანობას აჯამებს
11 000 ლარამდე ფასდაკლება „ტერასა რეზორთ ბაკურიანის“ პრემიუმ კლასის სასტუმროს ნომრებზე 30 ნოემბერს სრულდება
ბაზისბანკის მხარდაჭერით ქუთაისში Hill Hotel Kutaisi გაიხსნა
„მრავალი ხმა, ერთი სამშობლო“ – კამპანია, რომელიც განსხვავებულ ადამიანებს აერთიანებს