ანა ბიბილაშვილი - ლორთქიფანიძის ქუჩაზე ახალმა მშენებლობამ ფაქტობრივად საძირკველი გამოუთხარა იმ სახლს, სადაც 90 ოჯახი ცხოვრობდა

თბილისში „ლელოს“ მერობის კანდიდატი ანა ბიბილაშვილი და პარტიის ერთ-ერთი ლიდერი ბადრი ჯაფარიძე ლორთქიფანიძის ქუჩაზე მიმდინარე მშენებლობასთან იმყოფებოდნენ, სადაც განაცხადეს, რომ აღნიშნულ ტერიტორიაზე სამშენებლო სამუშაოებმა საფრთხე შეუქმნა იქ უკვე არსებულ შენობა-ნაგებობებს.

ანა ბიბილაშვილის განცხადებით, მშენებლობამ სახლს, სადაც 90 ოჯახი ცხოვრობს, ფაქტობრივად ძირი გამოუთხარა და „მოსახლეობას საკუთარი სახლების დატოვება მოუხდა“.

ამასთან, როგორც მერობის კანდიდატი აღნიშნავს, ყველა გადაწყვეტილება, რომელიც ქალაქმა უნდა მიიღოს, ადამიანს უნდა ემსახურებოდეს“.

„დღეს ვართ ლორთქიფანიძის ქუჩაზე, სადაც სულ ცოტა ხნის წინ ახალი მშენებლობის გამო დიდი საფრთხე შეექმნა არსებულ შენობა-ნაგებობას. დაზიანდა უკვე არსებული შენობა-ნაგებობა და ახალმა მშენებლობამ ფაქტობრივად გამოუთხარა საძირკველი იმ სახლს, სადაც 90 ოჯახი ცხოვრობდა. ადამიანებს მოუხდათ საკუთარი სახლების დატოვება იმის გამო, რომ საფრთხეს გრძობდნენ.

ლორთქიფანიძის ქუჩა შევარჩიეთ არა მხოლოდ ამ შემთხვევის გამო, არამედ იმიტომ, რომ თბილისში ის ქაოტური მშენებლობები, რაც მიმდინარეობს, არის ანალოგი იმისა, რასაც ამ ქუჩაზე ვხედავათ და იმ საფრთხის ანალოგი, რაშიც დღეს მთელი ქალაქია. არასწორი, არაგეგმაზომიერი გადაწვეტილებებია - ეს არ არის მდგრადი განვითარება.

ჩვენ გვეუბნებიან, რომ თბილისი ყოველწლიურად დაახლოებით 2 მლნ კვადრატულ მეტრზე გასცემს მშენებლობის ნებართვას. დავსვათ კითხვა - ამ 2 მლნ კვადრატული მეტრიდან რამდენი შენობა არის უსაფრთხო. დღეს მივიღეთ ქალაქი, სადაც ადამიანები საკუთარ სალხში თავს უსაფრთხოდ ვერ გრძნობენ, ასეთი მაგალითები გვაქვს მთელ თბილისში“,- განაცხადა ბიბილაშვილმა.

რამაზ საყვარელიძე - თუ „ქოც/ნაცებმა“ მიაღწიეს საწადელს, ისევ დატოვეს ამომრჩეველი ორ პოლუსს შორის, მაშინ არაფერი შეიცვლება, ამ კინოსაც ის დასასრული ექნება, რაც ადრინდელ კინოებს ჰქონდათ
ქართული პრესის მიმოხილვა 23.09.2021
დიმიტრი შველიძე - ახლა პოლიტიკური ელიტა იდეებისაგან დაცლილია, ფულის ფაქტორი გადამწყვეტია, სოციალური პოლარიზაცია უძლეველია და კაცმა არ იცის, ელექტორატის უმრავლესობა ვის უჭერს მხარს
წინანდლის ფესტივალის პრესსამსახური განცხადებას ავრცელებს
ქართველმა მეცნიერებმა და ევროკავშირის დაძმობილების პროექტის ექსპერტებმა "მწვანე გარიგების” პერსპექტივები განიხილეს
„სს ფუდმარტი“ რიგით მე-500 მაღაზიას ხსნის
სტერეო +  განცხადებას ავრცელებს