"აბსურდი და ტყუილია, რომ ზეწოლას ვახდენთ ვინმეზე. სიმართლე არის ის, რომ პარტია „საქართველოსთვის“ ოზურგეთის მერობის კანდიდატის გია ცეცხლაძის წინასაარჩევნო კამპანია წარუმატებელია, დღემდე ოზურგეთში არ იციან რა არის მისი საარჩევნო პროგრამა - როგორც ჩანს, შტაბი ეშლებათ და ჩვენზე ცდილობენ ამის გადმობრალებას, - ამის შესახებ “ქართული ოცნება-დემოკრატიული საქართველოს” ოზურგეთის მერობის კანდიდატმა ავთანდილ თალაკვაძემ განაცხადა.
მისივე თქმით, პარტიას „საქართველოსთვის“ თავიდანვე საზოგადოება შეცდომაში შეყავდა და ხმებს ავრცელებდა, თითქოს “ქართულ ოცნებასთან” შეთანხმებით მოქმედებს.
„დღეს ,როცა ბევრმა გაიგო სიმართლე, გასაკვირი არ არის, რომ უარს ეუბნებიან მხარდაჭერაზე. გახარიას პარტია ოზურგეთში მხოლოდ “ქართული ოცნების” ხმებს და მომხრეებს ეპოტინება", - განაცხადა ავთანდილ თალაკვაძემ.
შეგახსენებთ, რომ პარტია "საქართველოსთვის" ოზურგეთის მერობის კანდიდატმა, გია ცეცხლაძემ ძმები თალაკვაძეები ზეწოლაში დაადანაშაულა.