რელიგიის საკითხთა სახელმწიფო სააგენტოს დელეგაცია კახის რაიონის, სოფელ ალიბეგლოს წმინდა ნინოს ეკლესიას ეწვია

რელიგიის საკითხთა სახელმწიფო სააგენტოს თავმჯდომარე ზაზა ვაშაყმაძე, თავმჯდომარის მოადგილე გიორგი უკლება და პროტოკოლის მენეჯერი გვანცა ცხოვრებაძე კახის რაიონის, სოფელი ალიბეგლოს წმინდა ნინოს ეკლესიას ეწვივნენ. ამის შესახებ ინფორმაციას რელიგიის საკითხთა სახელმწიფო სააგენტო ავრცელებს.

მათივე ინფორმაციით, წმინდა ნინოს ეკლესიასთას ახლოს, სულ რამდენიმე მეტრში ასევე მდებარეობს ალიბეგლოს ქართულ სახელმწიფო თეატრი.

„ქართული ტაძარი 1877 წელს, კავკასიაში მართლმადიდებლობის გამავრცელებელი საზოგადოების სახსრებით აშენდა. საბჭოთა პერიოდში ტაძარში კოლექტივისთვის საჭირო პროდუქტების საწყობად გამოიყენებოდა. ბოლო რამდენიმე წელიწადია დიდ დღესასწაულებზე წირვა ლოცვა ტარდება აღნიშნულ ეკლესიაში.

დღესდღეობით ისტორიულ ჰერეთში (საინგილოში) საქართველოს მართმადიდებელი ეკლესია წირვა ლოცვას ატარებს ქართულ მართმადიდებლურ ტაძრებში, კახის რაიონში მდებარე წმ.გიორგის სახელობის ტაძარში, კახის რაიონის სოფელ ალიბეგლოში მდებარე წმ. ნინოს სახელობის ტაძარში და კახის რაიონის სოფელ ქოთოქლოში მდებარე ქოთოქლოს სამების სახელობის ტაძარში. სამწუხაროდ, ამ ეტაპზე სამივე ეკლესიას ემსახურება ერთი მამაო, მამა პეტრე ხუმარაშვილი. ამ საკითხმა რელიგიის სააგენტოს ინტერესი გამოიწვია. მრევლმა გამოთქვა სურვილი, რომ სამივე ეკლესია ფუნქციონირებდეს სრულფასოვნად და სამივე ეკლესიას ჰყავდეს მინიმუმ თითო მამაო.

დელეგაციასთან ერთად იმყოფებოდნენ საქართველოს საგანგებო და სრულუფლებიანი ელჩი აზერბაიჯანის რესპუბლიკაში ზურაბ პატარაძე, საქართველოს გენერალური კონსული ქ. განჯაში ნიკოლოზ იაშვილი, კახის წმინდა გიორგის ეკლესიის წინამძღვარი მამა პეტრე ხუმარაშვილი და საელჩოს თანამშრომლები“, - ნათქვამია გავრცელებულ ინფორმაციაში.

დიმიტრი შველიძე - ახლა პოლიტიკური ელიტა იდეებისაგან დაცლილია, ფულის ფაქტორი გადამწყვეტია, სოციალური პოლარიზაცია უძლეველია და კაცმა არ იცის, ელექტორატის უმრავლესობა ვის უჭერს მხარს
ქართული პრესის მიმოხილვა 20.09.2021
თენგიზ ფხალაძე - საშიშ ფაზაში ვიმყოფებით, მსოფლიოში მიმდინარე პროცესები ყურადღების მიღმა გვრჩება, ყველაფერს ვაკეთებთ სახელმწიფოს ჩამოსაშლელად, მოწინააღმდეგეს მხოლოდ ისღა რჩება, რომ ამ პროცესში ხელი არ შეგვიშალოს
დიდი ფასდაკლება შერჩეულ პროდუქციაზე - სექტემბრის ტოპ შეთავაზება „მიჰაუსისგან“
კომპანია “ლისი რეკრეაცია” ლისის ტბასთან დაკავშირებით ინფორმაციას ავრცელებს