ვატო შაქარიშვილმა ყოფილი კორტების ტერიტორიის განვითარების სტრატეგია წარადგინა

საბურთალოს მაჟორიტარობის დამოუკიდებელმა კანდიდატმა ვატო შაქარიშვილმა, ყოფილი კორტების ტერიტორიის განვითარების სტრატეგია წარადგინა.

ვატო შაქარიშვილი თბილისის მერიას ღია კონკურსის გამოცხადებას სთავაზობს, და ამბობს, რომ ის ბიზნესი, რომელიც ქალაქისა და ადგილობრივი მოსახლეობისთვის საუკეთესო სპორტული რეკრეაციული მშენებლობის პროექტს წარადგენს, მიწა სიმბოლურ ფასად გადაეცეს.

შაქარიშვილი ასევე აღნიშნავს, რომ სპორტული კომპლექსი უნდა იყოს ყველასათვის ხელმისაწვდომი, მრავალშვილიან და სოციალურად გაჭირვებულ ოჯახებს კი მუნიციპალური ბიუჯეტით უნდა დაუფინანსდეთ ვაუჩერები ან აბონემენტები.

„მე ვთავაზობ მერიას, გამოაცხადოს ღია კონკურსი და ბიზნესს, რომელიც ქალაქისა და ადგილობრივი მოსახლეობისთვის საუკეთესო სპორტული რეკრეაციული მშენებლობის პროექტს შემოგვთავაზებს, გადავცეთ მიწა შეზღუდული ფუნქციითა და სიმბოლური ფასით”, - განაცხადა შაქარიშვილმა.

შაქარიშვილის თქმით, იმისათვის, რომ საბურთალო გახდეს ჯანსაღი უბანი, ამ ადგილას ახალი სპორტული რეკრეაციული სივრცის მოწყობა იქნება რეალური ნაბიჯი ჯანმრთელი ცხოვრების ხელშეწყობისა და ყველასათვის ხელმისაწვდომობისათვის.

„აღნიშნული ტერიტორია „ნაციონალური მოძრაობის“ დროს გასხვისდა და კორტების ნაცვლად ადგილობრივი მოსახლეობის ნების გაუთვალისწინებლად იგეგმებოდა მრავალსართულიანი კორპუსების მშენებლობა.

2018 წელს ვატო შაქარიშვილის აქტიურობის შედეგად თბილისის მერიამ მოახდინა ადგილმონაცვლეობა - აღნიშნული მიწა ქალაქს დაუბრუნდა. მონაცვლეობის დასრულების შემდეგ კალაძემ ყოფილი კორტების ტერიტორიაზე სპორტული კომპლექსის მშენებლობა დაანონსა, თუმცა ამ დაპირების შემდეგ 3 წელი გავიდა და მდგომარეობა კორტებზე კვლავ უცვლელია“, - აცხადებენ შაქარიშვილის შტაბში.

დავით სიხარულიძე - ისტორიას არ ახსოვს, რომ რომელიმე ქვეყანა ძალით ნატო-ში, ან ევროკავშირში მიეღოთ
ქართული პრესის მიმოხილვა 02.12.2022
ალექსეი მალაშენკო - არავინ იცის როგორ უნდა დასრულდეს რუსეთ-უკრაინის ომი, მათ შორის არც პუტინმა
„კარფური" გაფართოებას აგრძელებს - თბილისში ახალი სუპერმარკეტი გაიხსნა
„ნიუ ჰოსპიტალსი“ აშშ-ის შეიარაღებული ძალების სამედიცინო სერვისების მომწოდებლად შეირჩა
გაფრთხილდი და გააფრთხილე, ჩვენი ფინანსების უსაფრთხოება ჩვენს ხელშია
„ლიბერთიმ“ განვადების აქცია დაიწყო
ბაზისბანკის ინვესტიციით, რუსთავში სავაჭრო ცენტრი და საცხოვრებელი კომპლექსი შენდება
სრულიად ახალი Toyota Corolla Cross
„ფარმადეპო“ მომხმარებლებს მედიკამენტებზე გარანტირებულად ყველაზე ხელმისაწვდომ ფასს სთავაზობს
საქართველოს უნივერსიტეტის ქართულ-ამერიკული კინოაკადემია აცხადებს კონკურსს „ვეფხისტყაოსანის“ ილუსტრაცია
საუკეთესო შეთავაზებები "სამსუნგის" მხოლოდ ოფიციალურ ტელევიზორებზე