ინფიცირებულია პატიმრების საერთო რაოდენობის ზუსტად 1%, ხოლო ვაქცინირებულია 70%-ზე მეტი. ველოდებით, რომ სექტემბრის ბოლომდე პენიტენციური დაწესებულება საერთოდ ვაქცინირებული იქნება, - ამის შესახებ იუსტიციის მინისტრმა, რატი ბრეგაძემ საკოორდინაციო საბჭოს სხდომის დასრულების შემდეგ განაცხადა.
ბრეგაძის თქმით, მოსალოდნელია, რომ სექტემბრის ბოლომდე პენიტენციური დაწესებულება საერთოდ ვაქცინირებული იყოს.
„თვეში ერთხელ „პისიარით“ სრული გატესტვა ხდება. მართლა, მადლიერება მინდა გამოვხატო თანამშრომლების მიმართ, რომლებიც მთელი ამ პანდემიის პირობებში მართლაც გმირულად, საპატიმრო დაწესებულებას არ ტოვებდნენ. ეს ის საკითხია, სადაც განსხვავებული პოლიტიკური შეხედულებები არ უნდა არსებობდეს. არც ერთმა პოლიტიკური პარტიის მხარდამჭერმა არ უნდა შექმნას ისეთი გარემო, თითქოს ციხეში ხდება უბედურება, იქ არის პანდემია, ეს ასე არ არის. ინფიცირებულია პატიმრების საერთო რაოდენობის ზუსტად 1%, ხოლო ვაქცინირებულია 70%-ზე მეტი. ველოდებით, რომ სექტემბრის ბოლომდე პენიტენციური დაწესებულება საერთოდ ვაქცინირებული იქნება“, - განაცხადა ბრეგაძემ.