ამირან გამყრელიძე - კოვიდი ალბათ, არ გაქრება არც მომავალ წელს - იმედი მაქვს, წლის ბოლოს გამოჩნდება პირდაპირი მოქმედების წამლები, რომელთა მიღებაც ინფექციის საწყის ეტაპზევე იქნება შესაძლებელი

დაავადებათა კონტროლისა და საზოგადოებრივი ჯანმრთელობის ეროვნული ცენტრის ხელმძღვანელის, ამირან გამყრელიძის განცხადებით, თუ დაწესებული შეზღუდვები გაგრძელდება, მოზრდილი მოსახლეობის 60% აიცრება და პირბადის გამოყენების მაჩვენებელი 90%-მდე ავა, დეკემბრისთვის ინფიცირების მაჩვენებელი საქართველოში ერთი ან ორი ასეულის ფარგლებში იქნება.

როგორც გამყრელიძემ განაცხადა, აქვს იმედი, რომ წლის ბოლოს, მომავალი წლის დასაწყისისთვის კორონავირუსზე პირდაპირი მოქმედების პრეპარატებიც გამოჩნდება.

“ჩვენ ვმუშაობთ სხვადასხვა სცენარებზე. იმავე დროს ვითვალისწინებთ, სხვადასხვა წამყვანი ინსტიტუტების პროგნოზირების მაჩვენებლებს. თუ ჩვენ გავაგრძელებთ დაახლოებით ამ შეზღუდვებით, რაც ქვეყანაშია, გამოვიყენებთ პირბადეს, აცრების სამიზნე მაჩვენებელზე გავალთ, მაშინ დეკემბრისთვის პროგნოზი არის, რომ დეკემბერში ჩვენ ახალ შემთხვევათა რაოდენობა ჩამოგვივა, დაახლოებით, ერთი ან ორი ასეულის ფარგლებში - ოღონდ იმ პირობებით, რომ ავიცრებით მოზრდილი მოსახლეობის 60%, პირბადის გამოყენების მაჩვენებელი გვექნება დაახლოებით, 85-90%, თავს ავარიდებთ დიდ შეკრებებს და მთავარ ბუსტერებს და კიდევ სხვა მოთხოვნებსაც შევასრულებს, როგორიცაა რეგულარული ტესტირება, კოვიდდადასტურებულების დროული იზოლაცია.

დღეს საბჭოზე განვიხილეთ საკითხი, რომ მეტად სწრაფად მიეცეთ ადამიანებს იზოლირების საშუალება, რადგან ჯაჭვის გაწყვეტის მთავარი საშუალება ინფიცირებულის სწრაფი იზოლირებაა, რომ მან სხვებს არ გადასდოს. ჩვენ კოვიდთან თანაცხოვრება მოგვიწევს გვინდა თუ არა ეს. კოვიდი ალბათ, არ გაქრება წელს და არც მომავალ წელს, სანამ არ აიცრება მსოფლიო მოსახლეობის 70-75%. ერთადერთი გამოსავალი ამ ინფექციასთან ბრძოლის იქნება ძალიან სწრაფად საყოველთაო იმუნიზაცია, რაც დაახლოებით, წელიწადნახევარში იქნება. ასევე, მაქვს იმედი, რომ ამ წლის ბოლის, მომავალი წილის დასაწყისში გამოჩნდება პირდაპირი მოქმედების წამლები, რომელთა მიღებაც ინფექციის საწყის ეტაპზევე იქნება შესაძლებელი.

ვიცი, დღეს ბევრი გამაკრიტიკებს, რატომ დავუჭირე მხარი ტრანსპორტთან მიმართებაში რეგულაციას, მაგრამ მოვითმინოთ კიდევ სამი კვირა, იმიტომ, რომ ერთ-ერთი მთავარი ბუსტერი დიდ ქალაქებში ინფექციის გავრცელების, რისკ-ფაქტორი სწორედ მობილობაა“, - განაცხადა გამყრელიძემ.

ალექსანდრე თვალჭრელიძე - არ შემეშინდება გითხრათ, რომ არჩევნების შემდეგ ჩვენ განსხვავებულ პოლიტიკურ სტრუქტურას მივიღებთ
ქართული პრესის მიმოხილვა 27.09.2021
რამაზ საყვარელიძე - თუ „ქოც/ნაცებმა“ მიაღწიეს საწადელს, ისევ დატოვეს ამომრჩეველი ორ პოლუსს შორის, მაშინ არაფერი შეიცვლება, ამ კინოსაც ის დასასრული ექნება, რაც ადრინდელ კინოებს ჰქონდათ
წინანდლის ფესტივალის პრესსამსახური განცხადებას ავრცელებს
ქართველმა მეცნიერებმა და ევროკავშირის დაძმობილების პროექტის ექსპერტებმა "მწვანე გარიგების” პერსპექტივები განიხილეს