"ქართული ოცნება-დემოკრატიული საქართველოს" გენერალური მდივნის, დედაქალაქის მერის კახა კალაძის განცხადებით, ოპოზიციას არ უნდა „ფულის გადაყრა წაგებულ არჩევნებში“, ვინაიდან მათ არჩევნების შედეგები იციან. ამის შესახებ კალაძემ მმართველი პარტიის განცხადების შეფასებისას აღნიშნა, სადაც ნათქვამია, რომ ოპოზიცია არ იყენებს სარეკლამო ბილბორდებს და ფასიან სარეკლამო დროს, რაც მიანიშნებს, რომ ოპოზიცია არჩევნების მეორე დღისა და არეულობისთვის ემზადება.

"კვლევებს ისინიც ხომ ატარებენ? ხომ იციან რა მდგომარეობაა, ვის რა მხარდაჭერა აქვს, როგორი თანადგომა აქვს კახა კალაძეს დედაქალაქში. ყველაფერი ძალიან კარგად იციან, არ უნდათ ფულის გადაყრა წაგებულ არჩევნებში. წინასწარ იციან რეზულტატი, თუ რა იქნება“ , -აღნიშნავს კალაძე.