ასოციაციის დაფუძნების დღიდან იზრდება მედიაციით დაინტერესებულ პირთა რაოდენობა. მედიაციის პროფესიაში შესვლა უკავშირდება ევროკავშირის პროექტის მხარდაჭერით ევროპელი ექსპერტების ჩართულობით მომზადებულ სსიპ „საქართველოს მედიატორთა ასოციაციის“ სერტიფიცირების პროგრამის დებულებით გათვალისწინებულ შესაბამისი ეტაპების წარმატებით გავლას, - ამის შესახებ ნათქვამია „საქართველოს მედიატორთა ასოციაციის“ მიერ გავრცელებულ ინფორმაციაში.
როგორც ინფორმაციაშია აღნიშნული, პირველი მნიშვნელოვანი ეტაპის განხორციელებისთვის აუცილებელია აკრედიტაციის მოპოვება, რომელსაც გასცემს სსიპ „საქართველოს მედიატორთა ასოციაცია“ სერტიფიცირების პროგრამის დებულების საფუძველზე. აღნიშნული აკრედიტაციის მიღების შესაძლებლობა 2021 წლის იანვრიდან ნებისმიერ დაინტერესებულ პირს შეეძლო.
„გაცნობებთ, რომ საქართველოს მედიატორთა ასოციაციას პირველად მიმართეს დაინტერესებულმა ინსტიტუციებმა მსგავსი უფლების მოპოვების თხოვნით და შესაბამისი პროცედურების საფუძველზე ასოციაციამ გასცა პროგრამული აკრედიტაცია მედიაციის ტრენინგის ჩატარებით დაინტერესებულ მსურველ სუბიექტებზე.
საქართველოს მედიატორთა ასოციაციამ (mediators.ge) პროგრამული აკრედიტაცია გასცა შემდეგ სუბიექტებზე, რომელთაც მიენიჭათ უფლებამოსილება მოახდინონ მედიატორობით დაინტერესებულ პირთა სწავლება:
მედიაციით დაინტერესებულ პირებს, ეძლევათ შესაძლებლობა მიმართონ აღნიშნულ სუბიექტებს და გაიარონ რეგისტრაცია.
სსიპ “საქართველოს მედიატორთა ასოციაცია” (mediators.ge) წარმატებებს უსურვებს მედიაციით დაინტერესებულ ყველა პირს”, - ნათქვამია გავრცელებულ ინფორმაციაში.