ნათია თურნავა „ვისოლ ჯგუფის“ თანამშრომელთა ვაქცინაციის პროცესს დაესწრო

ეკონომიკისა და მდგრადი განვითარების მინისტრი ნათია თურნავა კომპანია „ვისოლ ჯგუფის“ თანამშრომელთა ვაქცინაციის პროცესს დაესწრო.

მინისტრის განცხადებით, ვაქცინაცია ერთადერთი შესაძლებლობაა, შევებრძოლოთ პანდემიას და მნიშვნელოვანია, რომ კომპანიები აქტიურად არიან ჩართული თანამშრომელთა ვაქცინაციის პროცესში.

„ვცდილობთ წავახალისოთ რაც შეიძლება ბევრი ადამიანი. ძალიან მნიშვნელოვანია, რომ მომსახურების, ტურიზმის, ვაჭრობის სფეროში წარმოდგენილი კომპანიები, იყვნენ ვაქცინირებული და ამ გზით დაიცვან ვირუსისგან როგორც საკუთარი თავი, ასევე საკუთარი მომხმარებელი. აქედან გამომდინარე, მისასალმებელია „ვისოლ ჯგუფის“ ინიციატივა, რომ ორგანიზებულად, ერთიანად აცრას თანამშრომლები“, - აღნიშნა ნათია თურნავამ.

მისივე თქმით, ასევე მისასალმებელია, რომ ბევრი დიდი კომპანია, მათ შორის ბანკები, სადაზღვევო კომპანიები და სხვა მიყვებიან ამ პრაქტიკას და აქტიურ რეჟიმში ორგანიზებულად ახორციელებენ თანამშრომელთა ვაქცინაციას.

„ეს არის ჩვენი გადარჩენა და იმის საფუძველი, რაზეც ჩვენ სწრაფ ეკონომიკურ ზრდას ვაშენებთ. თუკი დღეს თავს ვიწონებთ, რომ არ ვკეტავთ ეკონომიკას და ორნიშნა ეკონომიკურ ზრდას ველოდებით, ეს სწორედ ამ ადამიანების დამსახურებაა, მათ შორის იმით, რომ საკუთარი მაგალითით მოუწოდებენ სხვებს აცრისკენ“, - განაცხადა ნათია თურნავამ.

ინფორმაციას ეკონომიკისა და მდგრადი განვითარების სამინისტრო ავრცელებს.

რამაზ საყვარელიძე - თუ „ქოც/ნაცებმა“ მიაღწიეს საწადელს, ისევ დატოვეს ამომრჩეველი ორ პოლუსს შორის, მაშინ არაფერი შეიცვლება, ამ კინოსაც ის დასასრული ექნება, რაც ადრინდელ კინოებს ჰქონდათ
ქართული პრესის მიმოხილვა 23.09.2021
დიმიტრი შველიძე - ახლა პოლიტიკური ელიტა იდეებისაგან დაცლილია, ფულის ფაქტორი გადამწყვეტია, სოციალური პოლარიზაცია უძლეველია და კაცმა არ იცის, ელექტორატის უმრავლესობა ვის უჭერს მხარს
წინანდლის ფესტივალის პრესსამსახური განცხადებას ავრცელებს
ქართველმა მეცნიერებმა და ევროკავშირის დაძმობილების პროექტის ექსპერტებმა "მწვანე გარიგების” პერსპექტივები განიხილეს
„სს ფუდმარტი“ რიგით მე-500 მაღაზიას ხსნის
სტერეო +  განცხადებას ავრცელებს