სანდრო რაქვიაშვილი - ფაქტია, რომ  ნაბიჯები რაც "ქართულმა ოცნებამ" გადადგა, ევროკავშირს დაგვაშორებს - ძალიან საშიში ნაბიჯებია

დიდი იმედი მაქვს, ამომრჩეველი ხელისუფლების დესტრუქციულ ნაბიჯებს შეაფასებს და "ქართული ოცნება" მხარდაჭერას ვერ მიიღებს, - ამის შესახებ ჟურნალისტებთან "გირჩის" დეპუტატმა სანდრო რაქვიაშვილმა განაცხადა, რითაც მაკროფინანსურ დახმარებაზე ევროკავშირის წარმომადგენლობის განცხადებას გამოეხმაურა.

როგორც მან აღნიშნა, ევროკავშირის მხრიდან რეაქცია ადეკვატური იყო.

"ჩვენ თუ გვინდა, ევროკავშირის მოკავშირე ვიყოთ, ელემენტარულ სტანდარტებს უნდა ვაკმაყოფილებდეთ, მათ შორის, დემოკრატიისა და სასამართლოს სისტემის მიმართულებით. ფაქტია, რომ ასეთი ნაბიჯები რაც "ქართულმა ოცნებამ" გადადგა, ევროკავშირს დაგვაშორებს. თუ ეს ყველაფერი საარჩევნოდ პიარის ნაწილია, შიდა მოხმარებისთვის გაკეთებული, იმედია, ეს შეიცვლება. უფრო დიდი იმედი მაქვს იმის, რომ ამომრჩეველი ამ დესტრუქციულ ნაბიჯებს შეაფასებს და "ქართული ოცნება" მხარდაჭერას ვერ მიიღებს. თუ ტრენდი გაგრძელდება, ჩვენი საგარეო პოლიტიკა იგივე სვლით წავა, ეს ნიშნავს, რომ დავკარგეთ მეგობარი ქვეყნები, ვინც ჩვენს უსაფრთხოებას უზრუნველყოფენ. არ მგონია, რომ ახლო მომავალში სანქციები დაწესდება, მაგრამ თუ ჩვენს საგარეო პოლიტიკას იგივე გაგრძელება ექნება, ეს ნიშნავს, რომ მოკავშირე, რომელმაც ჩვენი უსაფრთხოება უნდა უზრუნველყოს, სანქციებს დაგვიწესებს და გაუგებარია, როგორ უნდა დავიცვათ თავი რუსეთისგან, თუ ევროკავშირი და ამერიკა გვერდზე არ დაგვიდგებიან. ძალიან საშიში ნაბიჯებია, შეიძლება, "ქართულ ოცნებას" ჰგონია, რომ მოკლევადიან პერიოდში ელექტორალურად მოიგებს, მაგრამ მე საბოლოო ჯამში ამომრჩევლის იმედი მაქვს,"-განაცხადა რაქვიაშვილმა.

კახა გოგოლაშვილი - ევროპარლამენტი საქართველოს ევროკავშირში ინტეგრაციის შესაძლებლობას ზრდის, ახლა ჯერი ჩვენზეა
ქართული პრესის მიმოხილვა 02.12.2022
დავით სიხარულიძე - ისტორიას არ ახსოვს, რომ რომელიმე ქვეყანა ძალით ნატო-ში, ან ევროკავშირში მიეღოთ
„ასტრაზენეკამ“ პროექტის „თანადგომა“ შემაჯამებელი ღონისძიება გამართა
ღვინო, რომელიც ბედნიერებას იმახსოვრებს - „მარნაველი“ - CBS ჯგუფის ახალი მიმართულება და 2022 წლის წარმატება ღვინის ბიზნესში
„კარფური" გაფართოებას აგრძელებს - თბილისში ახალი სუპერმარკეტი გაიხსნა
„ნიუ ჰოსპიტალსი“ აშშ-ის შეიარაღებული ძალების სამედიცინო სერვისების მომწოდებლად შეირჩა
გაფრთხილდი და გააფრთხილე, ჩვენი ფინანსების უსაფრთხოება ჩვენს ხელშია
„ლიბერთიმ“ განვადების აქცია დაიწყო
ბაზისბანკის ინვესტიციით, რუსთავში სავაჭრო ცენტრი და საცხოვრებელი კომპლექსი შენდება