კახა კალაძის საარჩევნო შტაბის ხელმძღვანელი - გახარია ღალატით გავიდა „ქართული ოცნებიდან“ და მისი მიზნები „ნაცმოძრაობის“ პოლიტიკაზე გადის - ვინც არ უნდა დააყენოს კანდიდატად, რეიტინგებს ვერ შეცვლის

ვინც არ უნდა დააყენოს ბატონმა გახარიამ, ის ვერანაირ დისონანსს ვერ შემოიტანს რეიტინგებში, - ამის შესახებ კახა კალაძის საარჩევნო შტაბის ხელმძღვანელმა, გიორგი ამილახვარმა საგანგებო ბრიფინგზე განაცხადა.

მისი თქმით, „ქართული ოცნება“ მოწოდებულია, რომ იმაზე მაღალ საარჩევნო სტანდარტს მიაღწიოს, ვიდრე ეს 2020 წლის საპარლამენტო არჩევნების დროს იყო. მისივე განმარტებით, მმართველი ძალა სრულ პასუხისმგებლობას იღებს, რომ არჩევნები ჩატარდება ღიად, გამჭვირვალედ და კონკურენტუნარიან რეჟიმში.

გიორგი გახარია ძალიან ცუდი ღალატით გავიდა „ქართული ოცნებიდან“, შესაბამისად, ჩვენი მხარდამჭერები ვერ იქნებიან მასთან დაკავშირებული. მისი მიზნები მხოლოდ „ნაციონალური მოძრაობის“ პოლიტიკაზე გადის და მათ ერთი ინტერესი ამოძრავებს. შესაბამისად, კონკურენციას და მისი მხრიდან პრობლემას ვერ ვგრძნობთ. მან ვინც არ უნდა დააყენოს, წინასწარი მარცხისთვის იქნება განწირული“, - განაცხადა გიორგი ამილახვარმა.

ამილახვარმა ასევე იმ ბრალდებებზეც ისაუბრა, რომელიც პარტია „საქართველოსთვის“ წევრების პოლიტიკური ნიშნით შევიწროებასა და დევნას ეხება.

„აქ დაშინებაზე საუბარიც კი არ ღირს. პოლიტიკური ძალა ამ ხერხს მაშინ მიმართავს, თუ გარკვეული საარჩევნო პრობლემები აქვს. მაშინ, როცა ყველა რეგიონში დამაჯერებლად ორჯერ ვუსწრებთ ყველა კანდიდატს, ეს არ გვჭირდება, შესაბამისად ეს არის მხოლოდ სპეკულაცია.

სრული აბსურდია და არის გარკვეული სუბიექტური დამოკიდებულება, რომ თითქოს „ქართულ ოცნებას რამეში სჭირდება, რომ გახარიას არსებული თუ პოტენციური გუნდის წევრებს რაიმე ნიშნით დევნიან, ჩვენ არ გვაქვს პრობლემა არც ბატონ გახარიასთან და არც რომელიმე სხვა ოპონენტის მიმართ. ეს არის მხოლოდ სპეკულაცია და თუ არსებობს ამის რაიმე ფაქტები, წარმოგვიდგინოს საჯაროდ და ჩვენ ამას გამოვიძიებთ“ - განაცხადა გიორგი ამილახვარმა.

იოსებ ბარათაშვილი - თუ უმოკლეს ვადებში არ გამოქვეყნდა რა აუცილებლობით კეთდებოდა ფარული ჩანაწერები, ხელისუფლებას მოუწევს პასუხისმგებლობის აღება ძალზე მძიმე ბრალდებაზე
ქართული პრესის მიმოხილვა 16.09.2021
ირაკლი მელაშვილი - იმგვარ ვითარებაში, რომელშიც ვართ, საქართველოში ძალოვნებმა დაღუპეს ყველა ხელისუფლება და ახლა დაღუპავენ ამ ხელისუფლებასაც
BDO Digital-ი კომპანიებს აქტივების მართვის თანამედროვე გადაწყვეტას სთავაზობს
ქართული უნივერსიტეტი საერთაშორისო კონკურსში ნომინაციის ,,მომავლის განათლება’’ გამარჯვებული გახდა
კახა ოქრიაშვილი - დღესვე გადადგეს სუს-ის უფროსი, გრიგოლ ლილუაშვილი და ეს უწყება დაიშალოს სამ სტრუქტურად
ტერაბანკის შეღავათიანი ბიზნეს სესხი პროგრამის „აწარმოე საქართველოში“ მონაწილეებისთვის
საქართველოში მალე იურისტების ყველაზე დიდი ციფრული პლატფორმა - LawPort ჩაეშვება