სერგო ჩიხლაძე - არანაირი მოლოდინი არ გვაქვს, რომ „ქართული ოცნება“ წინასაარჩევნო კამპანიას თეთრი ხელთათმანით ჩაატარებს

არანაირი მოლოდინი არ გვაქვს, რომ „ქართული ოცნება“ ამ წინასაარჩევნო კამპანიას თეთრი ხელთათმანით ჩაატარებს, -ასე შეაფასა „სტრატეგია აღმაშენებლის“ ერთ-ერთმა ლიდერმა, სერგო ჩიხლაძემ „ახალგაზრდა იურისტთა ასოციაციის“ ანგარიში.

მისი თქმით, შემაშფოთებელია ის ფაქტი, რომ ხელისუფლება არასაარჩევნო პერიოდშიც კი არ ერიდება ადმინისტრაციული რესურსის გამოყენებას და ფიქსირდება ზეწოლის ფაქტებიც.

„შემაშფოთებელია ის ფაქტები, რომელიც ამ კვლევაშია მოყვანილი. საუბარია როგორც ზეწოლის ფაქტებზე, ისე ადმინისტრაციული რესურსის გამოყენებაზე, მათ შორის არასაარჩევნო პერიოდშიც კი და რაც მთავარია, ეს არის ზეწოლა, დაშინება და ა.შ. რასაც სამწუხაროდ, „ქართული ოცნება“ იყენებს. პირველი არჩევნები არ არის, რაც ეს ვლინდება, პრინციპში, ჩვენ ამისთვს მზად ვართ. არანაირი მოლოდინი არ გვაქვს, რომ „ქართული ოცნება“ თეთრი ხელთათმანით ჩაატარებს ამ წინასაარჩევნო კამპანიას. 2 ოქტომბრის არჩევნებში გამარჯვებისთვის ბოლომდე ვიბრძოლებთ“,-განაცხადა ჩიხლაძემ.

მისი თქმით, ხელისუფლებამ კანონები უნდა დაიცვას.

„კანონი ყველასთვის ერთნაირი უნდა იყოს, „ქართული ოცნებისთვისაც“ და პოლიტიკური ოპოზიცისთვისაც. სამწუხაროდ, „ქართული ოცნებისთვის“ სხვა კანონი არსებობს და მთელი საქართველოსთვის სხვა“,-განაცხადა ჩიხლაძემ.

ცნობისთვის, საიამ 2021 წლის ადგილობრივი თვითმმართველობის არჩევნების გრძელვადიანი სადამკვირვებლო მისიის შუალედური ანგარიში მოამზადა. მათი ცნობით, საანგარიშო პერიოდში, რამდენიმე პრობლემური შემთხვევა აღრიცხა, საიდანაც ერთი ნაწილი მმართველი პარტიის მიერ საჯარო რესურსების საარჩევნო მიზნებისთვის გამოყენებას, ხოლო მეორე - ოპოზიციური აზრისთვის საჯარო მოხელის სამსახურიდან გათავისუფლებას შეეხება.

კახა გოგოლაშვილი - ევროპარლამენტი საქართველოს ევროკავშირში ინტეგრაციის შესაძლებლობას ზრდის, ახლა ჯერი ჩვენზეა
ქართული პრესის მიმოხილვა 05.12.2022
დავით სიხარულიძე - ისტორიას არ ახსოვს, რომ რომელიმე ქვეყანა ძალით ნატო-ში, ან ევროკავშირში მიეღოთ
„ასტრაზენეკამ“ პროექტის „თანადგომა“ შემაჯამებელი ღონისძიება გამართა
ღვინო, რომელიც ბედნიერებას იმახსოვრებს - „მარნაველი“ - CBS ჯგუფის ახალი მიმართულება და 2022 წლის წარმატება ღვინის ბიზნესში
„კარფური" გაფართოებას აგრძელებს - თბილისში ახალი სუპერმარკეტი გაიხსნა
„ნიუ ჰოსპიტალსი“ აშშ-ის შეიარაღებული ძალების სამედიცინო სერვისების მომწოდებლად შეირჩა
გაფრთხილდი და გააფრთხილე, ჩვენი ფინანსების უსაფრთხოება ჩვენს ხელშია
„ლიბერთიმ“ განვადების აქცია დაიწყო
ბაზისბანკის ინვესტიციით, რუსთავში სავაჭრო ცენტრი და საცხოვრებელი კომპლექსი შენდება