გიორგი გახარია ირაკლი კობახიძის განცხადებაზე - ტყუილია, ყველაფერს აკეთებენ იმისთვის, რომ ოპონენტების დისკრედიტაცია მოახდინონ

„ქართული ოცნების“ თავმჯდომარის ირაკლი კობახიძის განცხადებას, რომ გიორგი გახარიამ შუამავლის საშუალებით მერობის კანდიდატობაზე უარის თქმის შემთხვევაში მათგან „ფინანსური მხარდაჭერა“ მოითხოვა, გიორგი გახარია ტყუილს უწოდებს.

პარტია „საქართველოსთვის“ ლიდერის და თბილისის მერობის კანდიდატის, გიორგი გახარიას თქმით, „ქართული ოცნება“ მის დისკრედიტაციას ცდილობს.

„ტყუილია, ყველაფერს აკეთებენ იმისთვის, რომ დისკრედიტაცია მოახდინონ ოპონენტების, ამ ხალხს, ორგანიზაცია „ქართული ოცნების“ დღევანდელ „ბოსებს“ იმის ნახევარი მაინც რომ გაეკეთებინა „ნაციონალური მოძრაობის“ წინააღმდეგ 8 წლის განმავლობაში, რასაც დღეს აკეთებენ ჩვენს წინააღმდეგ, დღეს ჩვენი ნაბიჯის გადადგმა საჭირო არ იქნებოდა და სულ სხვა რეალობა იქნებოდა ქვეყანაში“, - განაცხადა გიორგი გახარიამ.

ცნობისთვის, „ქართული ოცნების“ თავმჯდომარემ, ირაკლი კობახიძემ დღეს განაცხადა, რომ „იყო კომუნიკაციის მცდელობა შუამავლის მეშვეობით, ფინანსურ თემაზე“.

„იყო პირდაპირი მინიშნებები იმასთან დაკავშირებით, თუ იქნებოდა ჩვენი მხრიდან რაღაც ფინანსური მხარდაჭერა, ამ შემთხვევაში გახარია თავის კანდიდატურას მერის პოსტზე არ დააყენებდა, რაზეც შესაბამისი პასუხის მიიღეს“, - განაცხადა კობახიძემ და აღნიშნა, რომ დღეს შედგა შეხვედრა კახა კალაძეს და გახარიას შორის.

რამაზ საყვარელიძე - თუ „ქოც/ნაცებმა“ მიაღწიეს საწადელს, ისევ დატოვეს ამომრჩეველი ორ პოლუსს შორის, მაშინ არაფერი შეიცვლება, ამ კინოსაც ის დასასრული ექნება, რაც ადრინდელ კინოებს ჰქონდათ
ქართული პრესის მიმოხილვა 23.09.2021
დიმიტრი შველიძე - ახლა პოლიტიკური ელიტა იდეებისაგან დაცლილია, ფულის ფაქტორი გადამწყვეტია, სოციალური პოლარიზაცია უძლეველია და კაცმა არ იცის, ელექტორატის უმრავლესობა ვის უჭერს მხარს
წინანდლის ფესტივალის პრესსამსახური განცხადებას ავრცელებს
ქართველმა მეცნიერებმა და ევროკავშირის დაძმობილების პროექტის ექსპერტებმა "მწვანე გარიგების” პერსპექტივები განიხილეს
„სს ფუდმარტი“ რიგით მე-500 მაღაზიას ხსნის
სტერეო +  განცხადებას ავრცელებს