გიორგი გახარია "ქართული ოცნების" წევრებზე - ეს ადამიანები 1 წლის წინ ხოტბას მასხამდნენ, მაშინაც მათი ქების ფასი იყო ნული, დღესაც მათი ლანძღვის ფასი არის ნული - მე ნერვი არ გამიტოკდება

არანაირი მნიშვნელობა არ აქვს ჩვენთვის ორგანიზაცია „ქართული ოცნების“ ზოგიერთი დღევანდელი ბოსი რას ლაპარაკობს, იმიტომ, რომ მათ სიტყვას ფასი არ აქვს, - ასე გამოეხმაურა პარტია „საქართველოსთვის“ ლიდერი და თბილისის მერობის კანდიდატი გიორგი გახარია "ქართული ოცნების" თავმჯდომარის, ირაკლი კობახიძის განცხადებას, რომ გახარია მესამე ადგილისთვის და „ბრინჯაოს მედლისთვის იბრძვის“.

გახარიას თქმით, „ქართული ოცნების“ წევრები, ვინც დღეს ლანძღავენ, ერთი წლის წინ მას „ხოტბას“ ასხამდნენ.

„მათ შეუძლიათ, ხვალ გამოვიდნენ და სრულიად საპირისპირო თქვან. ადამიანები, რომლის სიტყვასაც ფასი აღარ აქვს, აღარც ქვეყნის შიგნით, აღარც ქვეყნის გარეთ იმაზე კომენტარი როგორ უნდა გავაკეთო. ეს ადამიანები ზუსტად 1 წლის წინ ქება-დიდებას და ხოტბას მასხამდნენ. მაშინაც მათი ქების ფასი იყო ნული, დღესაც მათი ლანძღვის ფასი არის ნული. მე ნერვი არ გამიტოკდება. მე პასუხისმგებლობა მაქვს ჩემი ამომრჩევლის და ჩემი გუნდის წინაშე“, - განაცხადა გიორგი გახარიამ.

ალექსეი მალაშენკო - არავინ იცის როგორ უნდა დასრულდეს რუსეთ-უკრაინის ომი, მათ შორის არც პუტინმა
ქართული პრესის მიმოხილვა 28.11.2022
ლევან შენგელია - მხოლოდ რუსეთის ფუნდამენტურმა დამარცხებამ უკრაინასთან და მთლიანად დასავლეთთან დაპირისპირებაში შეიძლება აგვაცილოს თავიდან ცუდი მომავალი
PSP განცხადებას ავრცელებს