„მესამე ძალა - სტრატეგია აღმაშენებელმა“ თბილისის მერობის, საკრებულოს თავმჯდომარეობისა და მაჟორიტარი დეპუტატობის კანდიდატები წარადგინა

პოლიტიკურმა მოძრაობამ „მესამე ძალა - სტრატეგია აღმაშენებელი“ 2 ოქტომბერს გასამართ ადგილობრივ თვითმმართველობის არჩევნებზე, თბილისის მერობის, საკრებულოს თავმჯდომარეობისა და მაჟორიტარი დეპუტატობის კანდიდატები წარადგინა.

„მესამე ძალის“ მხრიდან თბილისის მერობის კანდიდატი თამარ კეკენაძე იქნება. საკრებულოს თავმჯდომარეობის კანდიდატად „მესამე ძალამ“ პარტიის ერთ-ერთი ლიდერი, სერგო ჩიხლაძე წარადგინა.

„თამარ კეკენაძე არის პარტია „თავისუფალი დემოკრატების“ თავმჯდომარე. თამარი წლების განმავლობაში ხელმძღვანელობდა საქართველოსა და ნატოს შორის თავდაცვის და სამხედრო სფეროში არსებულ თანამშრომლობის პროცესს, როგორც საქართველოს თავდაცვის სამინისტროში, ასევე საქართველოს მისიაში ნატო-ში.

სერგო ჩიხლაძე გახლავთ პოლიტიკური მოძრაობის „სტრატეგია აღმაშენებელი“ პოლიტიკური საბჭოს წევრი. ჩვენი პარტიული და საპარლამენტო გუნდის აქტიური წევრი. სერგოს აქვს პროექტების მართვის 15-წლიანი გამოცდილება. სერგო ჩიხლაძე, როგორც მენეჯერი და საერთაშორისო ექსპერტი ჩართულია აღმოსავლეთ ევროპისა და ცენტრალური აზიის ქვეყნებში მიმდინარე რეფორმებში და ინიციატივებში.

მუშაობდა აშშ-ში ჯანდაცვის სისტემების განვითარების საკითხებზე. მას მიღებული აქვს სახელობითი სიგელები აშშ-ის პრეზიდენტისა და სახელმწიფო მდივნისაგან. ის არის ადგილობრივი და ამერიკული საერთაშორისო სამეცნიერო და პროფესიული ასოციაციების წევრი“, -განაცხადა კანდიდატების წარდგენისას გიორგი ვაშაძემ.

რაც შეეხება თბილისის მასშტაბით საკრებულოს მაჟორიტარობის კანდიდატებს, კრწანისის მაჟორიტარობის კანდიდატი დავით ცეკვავა იქნება, ისანში „მესამე ძალის“ კანდიდატი თეონა ჭალიძე იქნება. გლდანში გიორგი ვაშაძემ ნანა ტოხვაძე წარადგინა, ხოლო დიდუბეში ოთარ ბაღათურია. სამგორში „მესამე ძალის“ მხრიდან მაჟორიტარობის კანდიდატი ვახტანგ იაშვილი იქნება, ხოლო მთაწმინდაზე პარტიის სახელით არჩევნებში ირაკლი გოგუაძე იბრძოლებს. ვაკეში „მესამე ძალის“ კანდიდატი პაატა ჩიქოვანი იქნება. ჩუღურეთში ვაშაძემ ავთანდილ ჩართოლანი წარადგინა, ხოლო ნაძალადევში მისი პარტიის მხრიდან თბილისის საკრებულოში მაჟორიტარობის კანდიდატი ზაზა კორთხონჯია იქნება.

კახა გოგოლაშვილი - ევროპარლამენტი საქართველოს ევროკავშირში ინტეგრაციის შესაძლებლობას ზრდის, ახლა ჯერი ჩვენზეა
ქართული პრესის მიმოხილვა 02.12.2022
დავით სიხარულიძე - ისტორიას არ ახსოვს, რომ რომელიმე ქვეყანა ძალით ნატო-ში, ან ევროკავშირში მიეღოთ
„ასტრაზენეკამ“ პროექტის „თანადგომა“ შემაჯამებელი ღონისძიება გამართა
ღვინო, რომელიც ბედნიერებას იმახსოვრებს - „მარნაველი“ - CBS ჯგუფის ახალი მიმართულება და 2022 წლის წარმატება ღვინის ბიზნესში
„კარფური" გაფართოებას აგრძელებს - თბილისში ახალი სუპერმარკეტი გაიხსნა
„ნიუ ჰოსპიტალსი“ აშშ-ის შეიარაღებული ძალების სამედიცინო სერვისების მომწოდებლად შეირჩა
გაფრთხილდი და გააფრთხილე, ჩვენი ფინანსების უსაფრთხოება ჩვენს ხელშია
„ლიბერთიმ“ განვადების აქცია დაიწყო
ბაზისბანკის ინვესტიციით, რუსთავში სავაჭრო ცენტრი და საცხოვრებელი კომპლექსი შენდება