ირაკლი ღარიბაშვილი „ნაცმოძრაობაზე“ - მათ არანაირი მორალური უფლება არ აქვთ, რომ ხელისუფლება გააკრიტიკონ, მათი ერთადერთი გამოსავალი, პოლიტიკის დატოვებაა

პრემიერ-მინისტრ ირაკლი ღარიბაშვილის განცხადებით, „ნაციონალურ მოძრაობას“ არავითარი მორალური უფლება არ აქვს, რომ ხელისუფლება გააკრიტიკოს. როგორც მან ჭიათურაში, „ქართული ოცნების“ მერობის კანდიდატის, გივი მოდებაძის წარდგენისას განაცხადა, „ნაციონალური მოძრაობის“ ერთადერთი გამოსავალი პოლიტიკის დატოვებაა.

„მათ არ აქვთ არანაირი მორალური უფლება, რომ ჩვენი ხელისუფლება გააკრიტიკონ. მათი ერთადერთი გამოსავალი პოლიტიკის დატოვებაა, რომ ქვეყანა დაწყნარდეს, ხალხი დამშვიდდეს. რეალურად, ის ქაოსი და ისტერია, რაც არის შექმნილი მათი ტელევიზიების მეშვეობით, ამ ქვეყანაში უნდა დამთავრდეს.

უნდა დამთავრდეს პოლარიზება, ადამიანების დაპირისპირება, ხელოვნურად ინსპირირებული, გამოგონილი ბინძური ბრალდებებითა და ცილისწამებებით. რა თქმა უნდა, ეს ჩვენი ქვეყნის გამოწვევაა, რადგან პირველ რიგში, ხალხს სჭირდება სიმშვიდე, სტაბილურობა, თავისუფლება და ყველა ის შესაძლებლობები, რომელსაც მთავრობა უქმნის. რაზე ვსაუბრობთ საერთოდ? 24 საათის განმავლობაში მათ ტელევიზიებში მიმდინარეობს საუბარი მხოლოდ და მხოლოდ ცილისწამებაზე, შეურაცხყოფაზე და უამრავ ბრალდებაზე“,-განაცხადა ღარიბაშვილმა.

დიმიტრი შველიძე - ახლა პოლიტიკური ელიტა იდეებისაგან დაცლილია, ფულის ფაქტორი გადამწყვეტია, სოციალური პოლარიზაცია უძლეველია და კაცმა არ იცის, ელექტორატის უმრავლესობა ვის უჭერს მხარს
ქართული პრესის მიმოხილვა 20.09.2021
თენგიზ ფხალაძე - საშიშ ფაზაში ვიმყოფებით, მსოფლიოში მიმდინარე პროცესები ყურადღების მიღმა გვრჩება, ყველაფერს ვაკეთებთ სახელმწიფოს ჩამოსაშლელად, მოწინააღმდეგეს მხოლოდ ისღა რჩება, რომ ამ პროცესში ხელი არ შეგვიშალოს
(სტერეოტიპული) წარმოდგენები ცვალებადი გარემოებების პირისპირ: იდეალიზმიდან რეალიზმისაკენ
დიდი ფასდაკლება შერჩეულ პროდუქციაზე - სექტემბრის ტოპ შეთავაზება „მიჰაუსისგან“
კომპანია “ლისი რეკრეაცია” ლისის ტბასთან დაკავშირებით ინფორმაციას ავრცელებს