ჯანმრთელობის განზრახ მძიმე დაზიანების ფაქტზე, რამაც ადამიანის სიცოცხლის მოსპობა გამოიწვია, ორ პირს 10-10 წლით პატიმრობა მიესაჯა

ქუთაისის სააპელაციო სასამართლომ ორი პირი ჯგუფურად ჯანმრთელობის განზრახ მძიმე დაზიანებაში დამნაშავედ ცნო და მათ 10-10 წლით თავისუფლების აღკვეთა მიუსაჯა. აღნიშნულის შესახებ „ინტერპრესნიუსს“ საქართველოს გენერალური პროკურატურიდან აცნობეს.

როგორც უწყების ინფორმაციაშია აღნიშნული, შემთხვევა, რასაც ადამიანის სიცოცხლე ემსხვერპლა, 2020 წლის 9 სექტემბერს მოხდა.

„ქუთაისის სააპელაციო სასამართლომ, ბრალდების მხარის სააპელაციო საჩივრის საფუძველზე, პირველი ინსტანციის სასამართლოს განაჩენში ცვლილება შეიტანა და ჯგუფურად ჯანმრთელობის განზრახ მძიმე დაზიანებაში, რამაც ადამიანის სიცოცხლის მოსპობა გამოიწვია ი.ტ. და დ.წ. დამნაშავედ ცნო.

სასამართლოში გამოკვლეული მტკიცებულებებით დადგინდა, რომ 2020 წლის 9 სექტემბერს, ზუგდიდის რაიონის სოფელ ინგირში, ჯ.ტ.-ს და ი.ჭ.-ს შორის წარმოშობილი კონფლიქტით გაღიზიანებულმა ჯ.ტ.-ს შვილმა - ი.ტ.-მ და მისმა დეიდაშვილმა დ.წ.-მ, შურისძიების მოტივით, ი.ჭ.-ს თავის არეში ჯგუფურად, ბლაგვი საგნით რამდენიმე დაზიანება მიაყენეს.

მიღებული დაზიანებების შედეგად ი.ჭ. 11 სექტემბერს გარდაიცვალა. ზუგდიდის რაიონული სასამართლოს 2021 წლის 8 ივნისის განაჩენით, ი.ტ. დამნაშავედ იქნა ცნობილი 108-ე (განზრახ მკვლელობა) მუხლით და სასჯელის სახედ და ზომად 10 წლით თავისუფლების აღკვეთა განესაზღვრა. ამავე განაჩენით დ.წ. დამნაშავედ იქნა ცნობილი 126-ე მუხლის პირველი ნაწილით (ძალადობა) და 1 წლით თავისუფლების აღკვეთა განესაზღვრა.

აღნიშნული განაჩენი ბრალდების მხარემ ქუთაისის სააპელაციო სასამართლოში გაასაჩივრა. სააპელაციო სასამართლომ პირველი ინსტანციის სასამართლოს განაჩენში ცვლილება შეიტანა, ი.ტ. და დ.წ. დამნაშავედ ცნო საქართველოს სისხლის სამართლის კოდექსის 117-ე მუხლის მე-6 ნაწილით (ჯგუფურად პირის ჯანმრთელობის განზრახ მძიმე დაზიანება, რასაც პირის სიცოცხლის მოსპობა მოჰყვა) და სასჯელის სახედ და ზომად თითოეულს 10-10 წლით თავისუფლების აღკვეთა განუსაზღვრა”, - ნათქვამია პროკურატურის ინფორმაციაში.

იოსებ ბარათაშვილი - თუ უმოკლეს ვადებში არ გამოქვეყნდა რა აუცილებლობით კეთდებოდა ფარული ჩანაწერები, ხელისუფლებას მოუწევს პასუხისმგებლობის აღება ძალზე მძიმე ბრალდებაზე
ქართული პრესის მიმოხილვა 16.09.2021
ირაკლი მელაშვილი - იმგვარ ვითარებაში, რომელშიც ვართ, საქართველოში ძალოვნებმა დაღუპეს ყველა ხელისუფლება და ახლა დაღუპავენ ამ ხელისუფლებასაც
BDO Digital-ი კომპანიებს აქტივების მართვის თანამედროვე გადაწყვეტას სთავაზობს
ქართული უნივერსიტეტი საერთაშორისო კონკურსში ნომინაციის ,,მომავლის განათლება’’ გამარჯვებული გახდა
კახა ოქრიაშვილი - დღესვე გადადგეს სუს-ის უფროსი, გრიგოლ ლილუაშვილი და ეს უწყება დაიშალოს სამ სტრუქტურად
ტერაბანკის შეღავათიანი ბიზნეს სესხი პროგრამის „აწარმოე საქართველოში“ მონაწილეებისთვის
საქართველოში მალე იურისტების ყველაზე დიდი ციფრული პლატფორმა - LawPort ჩაეშვება