ევროპასთან ინტეგრაციის კომიტეტის ინიციატივით შექმნილი „ევროკავშირის შრომით ბაზარზე ინტეგრაცია - შესაძლებლობები და გამოწვევები" თემატური მოკვლევის სამუშაო ჯგუფის მორიგი შეხვედრა გაიმართა

ევროპასთან ინტეგრაციის კომიტეტის ინიციატივით შექმნილი „ევროკავშირის შრომით ბაზარზე ინტეგრაცია - შესაძლებლობები და გამოწვევები" თემატური მოკვლევის სამუშაო ჯგუფის მორიგი შეხვედრა გაიმართა.

როგორც „ინტერპრესნიუსს“ პარლამენტიდან აცნობეს, მოკვლევაში ჩართულმა მიგრაციის პოლიტიკის განვითარების საერთაშორისო ცენტრის (ICMPD) ექსპერტებმა, ჯგუფის წევრებს შესაბამისი ორგანიზაციებისა და უწყებებისგან მოპოვებული ინფორმაციის საფუძველზე მომზადებული პირველადი ანგარიში წარუდგინეს.

„შეხვედრაზე, ჯგუფის წევრებმა, ექსპერტებთან ერთად განიხილეს ევროკავშირის შრომით ბაზარში საქართველოს უსაფრთხო ინტეგრაციის შესაძლებლობები, შრომითი მიგრაციის რეგულირების ძირითადი ასპექტები, ლეგალური მიგრაციის რისკები და შესაძლებლობები.

ექსპერტებმა მიმოიხილეს ევროკავშირში შრომითი მიგრაციის ტენდენციები და რეგულირების ძირითადი საშუალებები; საქართველო-ევროკავშირს შორის ასოცირების შეთანხმებიდან გამომდინარე შესაძლებლობები; ევროკავშირის შრომითი ბაზრის პოლიტიკა, დასაქმების მოდელები, პროფესიული საჭიროებები და მათთან საქართველოს შესაძლებლობების თანხვედრა.

სამუშაო ჯგუფის წევრებმა იმსჯელეს საქართველოში შრომითი მიგრაციის სამართლებრივი რეგულირების მექანიზმებსა და კანონმდებლობის დახვეწის საჭიროებებზე, მიგრანტთათვის შრომითი მიგრაციის პროგრამების სარგებელზე, ასევე, დასაქმებულების პროფესიული კუთხით გადამზადების მნიშვნელობაზე, რათა ევროკავშირის შრომით ბაზარში ეტაპობრივი ინტეგრაციის განხორციელების მიზნით შესაბამისი ნაბიჯები იქნას გადადგმული.

თემატური მოკვლევის ფარგლებში გაიმართება საკომიტეტო მოსმენები პარლამენტის შესაბამისი კომიტეტების მონაწილეობით, რის საფუძველზე მოკვლევის ჯგუფი შესაბამის დასკვნას და რეკომენდაციებს შეიმუშავებს, რაც საქართველოს დაეხმარება ევროკავშირის შრომით ბაზარში უსაფრთხო ინტეგრაციაში და საქართველოს მოქალაქეებს მისცემს ევროკავშირის წევრ ქვეყნებში ლეგალურად მუშაობის შესაძლებლობებს ღირსეულ შრომით პირობებში“, - ნათქვამია ინფორმაციაში.

კახა გოგოლაშვილი - ევროპარლამენტი საქართველოს ევროკავშირში ინტეგრაციის შესაძლებლობას ზრდის, ახლა ჯერი ჩვენზეა
ქართული პრესის მიმოხილვა 02.12.2022
დავით სიხარულიძე - ისტორიას არ ახსოვს, რომ რომელიმე ქვეყანა ძალით ნატო-ში, ან ევროკავშირში მიეღოთ
„ასტრაზენეკამ“ პროექტის „თანადგომა“ შემაჯამებელი ღონისძიება გამართა
ღვინო, რომელიც ბედნიერებას იმახსოვრებს - „მარნაველი“ - CBS ჯგუფის ახალი მიმართულება და 2022 წლის წარმატება ღვინის ბიზნესში
„კარფური" გაფართოებას აგრძელებს - თბილისში ახალი სუპერმარკეტი გაიხსნა
„ნიუ ჰოსპიტალსი“ აშშ-ის შეიარაღებული ძალების სამედიცინო სერვისების მომწოდებლად შეირჩა
გაფრთხილდი და გააფრთხილე, ჩვენი ფინანსების უსაფრთხოება ჩვენს ხელშია
„ლიბერთიმ“ განვადების აქცია დაიწყო
ბაზისბანკის ინვესტიციით, რუსთავში სავაჭრო ცენტრი და საცხოვრებელი კომპლექსი შენდება