პრემიერის განცხადებით, შარლ მიშელის დოკუმენტზე „ნაციონალური მოძრაობის“ ხელმოწერას ნული ფასი აქვს - ეს არის პოლიტიკური თაღლითობა და ფარისევლობა

მთელი ამ პროცესის დროს სააკაშვილი და მისი გუნდის წევრები ზეწოლას ახდენდნენ ოპოზიციის სხვა დანარჩენ წევრებზე, რომ მათ არ მოეწერათ ხელი ამ დოკუმენტზე, თავშივე იყო გადაწყვეტილი, რომ არ აპირებდნენ ამ ხელმოწერის გაკეთებას, - ასე აფასებს საქართველოს პრემიერ-მინისტრი ირაკლი ღარიბაშვილის 19 აპრილის შეთანხმებაზე „ნაციონალური მოძრაობის“ ხელმოწერას.

როგორც პრემიერ-მინისტრმა ჟურნალისტებთან საუბრისას აღნიშნა, მას შემდეგ რაც მმართველი გუნდი შეთანხმებიდან გამოვიდა ამ ხელმოწერას არავითარი ფასი აღარ აქვს და ეს „პოლიტიკური თაღლითობაა“.

მისივე თქმით, მხოლოდ ხელმოწერა საკმარისი არ არის და „ნაციონალურმა მოძრაობამ“ უნდა აჩვენოს, რომ რეალურად დაინტერესებულია დეესკალაციით, პოლარიზების შემცირებითა და კონსტრუქციული მუშაობით საქართველოს პარლამენტში.

,,ახლა ამ დოკუმენტზე „ნაციონალური მოძრაობის“ ხელმოწერას ნული ფასი აქვს, ეს არის პოლიტიკური თაღლითობა და ფარისევლობა რაც მათ ჩაიდინეს. არავითარი ფასი ამ ხელმოწერას არ აქვს, მათ ჰქონდათ შანსი, რომ ხელი მოეწერათ და ჩვენ დავრჩებოდით ამ შეთანხმებაში, მაგრამ მას შემდეგ რაც გავედით, ეს თემა ამოწურულია. მთელი ამ პროცესის დროს სააკაშვილი და მისი გუნდის წევრები ზეწოლას ახდენდნენ ოპოზიციის სხვა დანარჩენ წევრებზე, რომ მათ არ მოეწერათ ხელი ამ დოკუმენტზე, თავშივე იყო გადაწყვეტილი, რომ არ აპირებდნენ ამ ხელმოწერის გაკეთებას. შესაბამისად, გუშინ ამ დოკუმენტზე ხელმოწერა იყო ფარსი და ტყუილი, ეს საერთოდ არაფერს არ ნიშნავს. მხოლოდ ხელმოწერა და განცხადების გაკეთება საკმარისი არ არის, „ნაციონალურმა მოძრაობამ“ უნდა აჩვენოს, რომ რეალურად არიან დაინტერესებული დეესკალაციით, პოლარიზების შემცირებით და კონსტრუქციული მუშაობით საქართველოს პარლამენტში“, - აღნიშნა ირაკლი ღარიბაშვილმა.

ბადრი ბელქანია - უკრაინაში რუსეთის წინააღმდეგ ქართველები სოლიდარობის გარდა იმის გამოც იბრძვიან, რომ მათთვის ამ ომში რუსეთის მარცხი არის შესაძლებლობა საკუთარი ხალხის ბრძოლას დაეხმარონ
ქართული პრესის მიმოხილვა 05.12.2022
კახა გოგოლაშვილი - ევროპარლამენტი საქართველოს ევროკავშირში ინტეგრაციის შესაძლებლობას ზრდის, ახლა ჯერი ჩვენზეა
ბაზისბანკი კაპიტალს 27 მილიონი ლარით ზრდის
როგორ ჩაიარა წელს ზამთრის ყველაზე ჯადოსნურმა გამოფენამ, რომელსაც ქალთა საერთაშორისო ასოციაცია დაარსების დღიდან, ყოველწლიურად აწყობს
შეიძინე კერძო სახლი საუკეთესო შეთავაზებით
იშოპინგე VELI.store-ზე და დახარჯე შენი დრო შენთვის
შეუდარებელი „ბოტანიკო“ საახალწლო აქციის ფარგლებში ბინების ფასდაკლებით შეძენას და საჩუქარს გთავაზობთ
კახა ოქრიაშვილი: „ოცნებას“ უკრაინაში გამარჯვების შემდეგ ქართველი პატრიოტების საქართველოში დაბრუნების ეშინია!“
ახალი შესაძლებლობა IT სფეროს წარმომადგენლებისთვის - "Devexperts" უკვე საქართველოშია
2022 წლის საუკეთესო ამერიკული არქიტექტორული კომპანია ბათუმის ხელოვნურ კუნძულზე შენობას დააპროექტებს
როგორ შევარჩიოთ საახალწლო საჩუქარი