"ევროპის უნივერსიტეტში" პირველკურსელთა რეგისტრაცია დაიწყო. როგორც „ინტერპრესნიუსს“ უნივერსიტეტიდან აცნობეს, ერთიანი ეროვნული გამოცდებით ჩარიცხულ აბიტურიენტთა რეგისტრაცია "ევროპის უნივერსიტეტის" მედიცინისა და ადმინისტრაციულ კორპუსებში, კოვიდ რეგულაციების დაცვითა და უნივერსიტეტის ადმინისტრაციის წარმომადგენლების დახმარებით მიმდინარეობს.
უნივერსიტეტში განმარტავენ, რომ "ევროპის უნივერსიტეტის" 2021 წლის შეთავაზებით, ყველა აბიტურიენტი, რომელსაც "ევროპის უნივერსიტეტი" პირველ პრიორიტეტად ჰქონდა არჩეული, 1000-ლარიანი შიდა დაფინანსებით, პროგრამის ხანგრძლოვობის სრული ვადით ისარგებლებს.