„ლელოს“ თბილისის მერობის კანდიდატი ანა ბიბილაშვილი - ივანიშვილის კარის თამაშებში დაკარგულ გახარიას და კალაძეს  ეს ქალაქი დაავიწყდათ

ბიძინას კარის თამაშებში დაკარგულ გახარიას და კალაძეს დაავიწყდათ ეს ქალაქი, - ამის შესახებ „ლელო საქართველოსთვის“ თბილისის მერობის კანდიდატმა ანა ბიბილაშვილმა გიორგი გახარიაზე და კახა კალაძეზე საუბრისას განაცხადა.

ანა ბიბილაშვილის განცხადებით, ეს ორი პოლიტიკოსი ერთნაირადაა პასუხისმგებელი და დამნაშავე როგორც ქალაქის, ასევე ქვეყნის წინაშე. მისივე თქმით, კალაძე და გახარია ემალებიან რეალურ დებატებს და იმიტირებული შოუთი უნდათ ფონს გასვლა.

,,ნათელია, რომ დღეს მათი ერთადერთი საზრუნავია, როგორ ასიამოვნონ ივანიშვილს. დღეს მხოლოდ ფსევდო-დებატში იწვევენ ერთმანეთს, თითქოს მათ შორის მართლა რამე განსხვავება იყოს, ან მართლა რამე ჰქონდეთ სადებატო. გახარიამ ვერ მართა ქვეყანა, ვერ მართა ჯანდაცვის კრიზისი და გაანადგურა ქართული ეკონომიკა. კალაძემ კი ქალაქი კორუფციის ჭაობში ჩაძირა. მას, როგორც მერს არა აქვს ამ ქალაქის განვითარების ხედვა, არ აქვს პასუხები იმაზე, თუ როგორი უნდა იყოს ქალაქი ადამიანებისთვის. ეს ორი პოლიტიკოსი ერთნაირადაა პასუხისმგებელი და დამნაშავე ამ ქალაქის და ქვეყნის წინაშე. რა დებატზე საუბრობენ? არც ერთ მათგანს არ აქვს თბილისის მართვის კომპეტენცია, მისი განვითარების ხედვა. მათ ეშინიათ, პროფესიულ თემებზე, კომპეტენტურ ადამიანთან ლაპარაკის. სწორედ ამიტომ, ისინი ემალებიან რეალურ დებატებს და იმიტირებული შოუთი უნდათ ფონს გასვლა. მოვუწოდებ ორივეს, მოვიდნენ, ისაუბრონ ქალაქზე და ადამიანებზე და არა ბიძინას კარის თამაშებზე, რაც საერთოდ არ ემსახურება ადამიანების კეთილდღეობას და არ პასუხობს მათ უმწვავეს კითხვებს“, - აღნიშნა ანა ბიბილაშვილმა.

რამაზ საყვარელიძე - თუ „ქოც/ნაცებმა“ მიაღწიეს საწადელს, ისევ დატოვეს ამომრჩეველი ორ პოლუსს შორის, მაშინ არაფერი შეიცვლება, ამ კინოსაც ის დასასრული ექნება, რაც ადრინდელ კინოებს ჰქონდათ
ქართული პრესის მიმოხილვა 23.09.2021
დიმიტრი შველიძე - ახლა პოლიტიკური ელიტა იდეებისაგან დაცლილია, ფულის ფაქტორი გადამწყვეტია, სოციალური პოლარიზაცია უძლეველია და კაცმა არ იცის, ელექტორატის უმრავლესობა ვის უჭერს მხარს
სტერეო +  განცხადებას ავრცელებს
„სს ფუდმარტი“ რიგით მე-500 მაღაზიას ხსნის
„ვითიბი“ ბანკმა ილუზიების მუზეუმის გასახსნელად 700,000 ლარის ოდენობის სესხი გასცა
ვლადიმერ პაპავა - საუბარი, რომ „ვისოლში“ საწვავი არ ჩავასხათ, კონკრეტულ ქსელში საკვები არ ვიყიდოთ, ბიზნესზე ტერორია
საქართველოს უნივერსიტეტი ვაქცინაციის პროცესში ჩაერთო
შპს „ლუკოილ-ჯორჯიამ“ კომპანია „უნიგრუპის“ წინააღმდეგ სასამართლოში სარჩელი შეიტანა