მამუკა ხაზარაძე - უხარისხო პრემიერების ტყუილები და არაკომპეტენტურობა უნდა დამთავრდეს

ტყუილი "ქართული ოცნების“ სამარკო ნიშანია ქვეყნის შიგნით და ქვეყნის გარეთ, - ამის შესახებ “ლელო საქართველოსთვის” ლიდერი, მამუკა ხაზარაძე სოციალურ ქსელში წერს.

როგორც ხაზარაძე აცხადებს, უხარისხო პრემიერების ტყუილები და არაკომპეტენტურობა უნდა დამთავრდეს.

გახარია, ღარიბაშვილი, ბიძინა ივანიშვილის მარიონეტი, ორივე არაკომპეტენტური, ორივე მატყუარა, მათი მოღვაწეობის შედეგი: ანტირეკორდი კოვიდსიკვდილიანობის. დღეში საშუალოდ 80 ადამიანი იღუპება. გაჩერებულია ეკონომიკა, ინფლაცია - 12.5%; სიღატაკე, უმუშევრობა - 22,1%“, - აცხადებს მამუკა ხაზარაძე.

მისივე თქმით, ირაკლი ღარიბაშვილი ტყუილების ერთ-ერთი ნათელი მაგალითია. ხაზარაძე საკუთარ განცხადებაში პრემიერის მიერ გამოქვეყნებულ რამდენიმე ინფორმაციას აქვეყნებს.

"ღარიბაშვილმა 2021 წლის 14 აგვისტოს განაცხადა, რომ ქვეყანაში ჯამში 7000 კმ-მდე გზის რეაბილიტაცია მოახერხა. 2021 წლის 3 სექტემბერს შეცვალა განცხადება და თქვა, რომ 8 წლის განმავლობაში 10 000 კმ გზა დავაგეთ. ასევე მისი სიტყვებია, რომ ბოლო 8 წლის განმავლობაში დაიგო 150 კმ მაგისტრალური გზა”-აცხადებს ხაზარაძე და დასძენს, თვეში დაგიგიათ მხოლოდ 1.5 კმ მაგისტრალური გზა. "არ გრცხვენიათ? ტყუილი ცუდია და არაკომპეტენტურობა უარესი”, - წერს მამუკა ხაზარაძე "ფეისბუქში".

ლევან შენგელია - მხოლოდ რუსეთის ფუნდამენტურმა დამარცხებამ უკრაინასთან და მთლიანად დასავლეთთან დაპირისპირებაში შეიძლება აგვაცილოს თავიდან ცუდი მომავალი
გრიგორი კუკურუზა - ომით მიყენებული ზარალი დაახლოებით 1,1-1,2 ტრილიონ აშშ დოლარს შეადგენს - უკრაინას იმედი აქვს, რომ ქვეყნის აღსადგენად სახსრებს აგრესორი რუსეთისგან მიიღებს
ქართული პრესის მიმოხილვა 28.11.2022
PSP განცხადებას ავრცელებს