ნათია მეზვრიშვილი - ხელისუფლებას ვურჩევდი, არასერიოზული ბრალდებების ნაცვლად, საქმით დაკავდეს, რადგან როცა გახარია ხელისუფლებაში იყო, საქმით იყო დაკავებული

ხელისუფლებას ვურჩევდი, ამ არასერიოზული ბრალდებების და განცხადებების ნაცვლად, საქმით დაკავდეს, რადგან როცა გიორგი გახარია ხელისუფლებაში იყო, საქმით იყო დაკავებული, - ასე გამოეხმაურა პარტია „საქართველოსთვის“ ერთ-ერთი ლიდერი ნათია მეზვრიშვილი პრემიერ-მინისტრის ირაკლი ღარიბაშვილის მიერ გიორგი გახარიას მისამართით დღეს გაკეთებულ განცხადებებს.

როგორც მეზვრიშვილმა განმარტა, „ხელისუფლებას ისტერია მას შემდეგ გაუმძაფრდა, რაც გიორგი გახარიამ თბილისის მერობაზე საკუთარი კანდიდატურა წარადგინა“.

„ზოგადად, ეს ისტერია ხელისუფლებას მას შემდეგ დაეწყო, რაც გიორგი გახარიამ განაცხადა, რომ აქტიურ პოლიტიკურ საქმიანობას აპირებდა. განსაკუთრებით, ეს ისტერია კიდევ უფრო მეტად გამძაფრდა, რაც გიორგი გახარიამ თბილისის მერობაზე საკუთარი კანდიდატურა წამოაყენა. ამიტომ, ეს რაღაც ისტერიული განცხადებები, რაც ჩვენ ხელისუფლების წარმომადგენლებისგან გვესმის, სერიოზული არ არის და ვფიქრობ, სერიოზულ კომენტარს არ საჭიროებს. ხელისუფლებას ვურჩევდი, ამ არასერიოზული ბრალდებების და განცხადებების ნაცვლად, საქმით დაკავდეს, რადგან როცა გიორგი გახარია ხელისუფლებაში იყო, საქმით იყო დაკავებული. მართავდა, ქვეყანას მმართველი ჰყავდა და იგრძნობოდა, რომ სახელმწიფო სახელმწიფო იყო. დღეს, სამწუხაროდ, ეს არ იგრძნობოდა.

მოვუწოდებდი პრემიერს, ნაცვლად არაადეკვატური განცხადებების გაკეთებისა, საქმით დაკავდეს, ქვეყანაში უამრავი პრობლემაა, კოვიდი მძინვარებს, რომელსაც სამწუხაროდ, ხელისუფლება თავს ვერ ართმევს და ამ საქმეს მიხედონ, რადგან უმნიშვნელოვანესი არჩევნები გვაქვს ქვეყნის დემოკრატიული განვითარებისთვის ჩასატარებელი და უზრუნველყონ უსაფრთხო გარემოში არჩევნების ჩატარება“, - განაცხადა მეზვრიშვილმა.

რამაზ საყვარელიძე - თუ „ქოც/ნაცებმა“ მიაღწიეს საწადელს, ისევ დატოვეს ამომრჩეველი ორ პოლუსს შორის, მაშინ არაფერი შეიცვლება, ამ კინოსაც ის დასასრული ექნება, რაც ადრინდელ კინოებს ჰქონდათ
ქართული პრესის მიმოხილვა 23.09.2021
დიმიტრი შველიძე - ახლა პოლიტიკური ელიტა იდეებისაგან დაცლილია, ფულის ფაქტორი გადამწყვეტია, სოციალური პოლარიზაცია უძლეველია და კაცმა არ იცის, ელექტორატის უმრავლესობა ვის უჭერს მხარს
სტერეო +  განცხადებას ავრცელებს
„სს ფუდმარტი“ რიგით მე-500 მაღაზიას ხსნის
„ვითიბი“ ბანკმა ილუზიების მუზეუმის გასახსნელად 700,000 ლარის ოდენობის სესხი გასცა
ვლადიმერ პაპავა - საუბარი, რომ „ვისოლში“ საწვავი არ ჩავასხათ, კონკრეტულ ქსელში საკვები არ ვიყიდოთ, ბიზნესზე ტერორია
საქართველოს უნივერსიტეტი ვაქცინაციის პროცესში ჩაერთო
შპს „ლუკოილ-ჯორჯიამ“ კომპანია „უნიგრუპის“ წინააღმდეგ სასამართლოში სარჩელი შეიტანა