ირაკლი ღარიბაშვილი - 14 000 ჰექტარი ახალი ბაღები და 6500  ჰექტარი ახალი ვენახები გაშენდა, კიდევ მეტი უნდა გავაკეთოთ იმისთვის, რომ დავძლიოთ სიღარიბე და შევქმნათ კიდევ უფრო მეტი სამუშაო ადგილი

ჩვენ ვგეგმავთ 2 მილიარდ 500 მილიონი ლარის ინვესტიციას ადგილობრივი წარმოების წასახალისებლად. დაახლოებით 1000-ზე მეტი საწარმო დაფინანსდება მომდევნო სამი წლის განმავლობაში და შეიქმნება მინიმუმ 100 ათასი ახალი სამუშაო ადგილი, - ამის შესახებ საქართველოს პრემიერ-მინისტრმა ირაკლი ღარიბაშვილმა „ქართული ოცნების“ ონის მერობის კანდიდატის, სერგო ხიდეშელის წარდგენისას განაცხადა.

მთავრობის მეთაურის თქმით, ეს პროგრამები და პროექტები გადანაწილდება ყველა რეგიონის მიხედვით და ყველა მუნიციპალიტეტის მიხედვით, ისე რომ არ იყოს მხოლოდ ერთ რეგიონში თავმოყრილი.

„რამდენიმე ახალი ინიციატივა გვაქვს ადგილობრივი წარმოების განსავითარებლად, მოგეხსენებათ, რომ წლების განმავლობაში, მას შემდეგ რაც დაინგრა საბჭოთა კავშირი, მიტოვებულ და დანგრეული იქნა, ჩვენივე ხელით დავანგრიეთ ქარხნები, ფაბრიკები, საწარმოები და ამან გამოიწვია ის კატასტროფა, რაც ჩვენ ყველამ ერთად მივიღეთ - ასობით ათასი ადამიანი დარჩა სამსახურის გარეშე და მართლაც გაღარიბდა ჩვენი მოსახლეობა. ვიცი, რომ ძალიან ბევრი გაკეთდა, მაგალითად, მინდა აღვნიშნო, პროგრამა "დანერგე მომავალი", რომლის ფარგლებშიც მხოლოდ 14 000 ჰექტარი ახალი ბაღები გაშენდა, მრავალწლოვანი კულტურები, ასევე ვენახებზე მინდა ვთქვა, დაახლოებით 6500 ჰექტარი ახალი ვენახები გაშენდა კახეთში, ასევე რაჭაში გაშენდა დაახლოებით 600 ჰექტარი ახალი ვენახები. რა თქმა უნდა, ეს არი არის საკმარისი, კიდევ მეტი უნდა გავაკეთოთ, კიდევ მეტად უნდა დავეხმაროთ ჩვენს მოსახლეობას, იმისთვის, რომ დავძლიოთ სიღარიბე და შევქმნათ კიდევ უფრო მეტი სამუშაო ადგილი, აი ეს უნდა იყოს ჩვენი მთავრობის, ჩვენი ხელისუფლების, როგორც ცენტრალური, ასევე ადგილობრივი ხელისუფლების მთავარი საზრუნავი, რომ მეტად დავეხმაროთ ჩვენს მოსახლეობას და ხელი შევუწყოთ განვითარებაში და ზოგადად ეკონომიკის გაძლიერებაში“, - განაცხადა პრემიერ-მინისტრმა.

დიმიტრი შველიძე - ახლა პოლიტიკური ელიტა იდეებისაგან დაცლილია, ფულის ფაქტორი გადამწყვეტია, სოციალური პოლარიზაცია უძლეველია და კაცმა არ იცის, ელექტორატის უმრავლესობა ვის უჭერს მხარს
ქართული პრესის მიმოხილვა 20.09.2021
თენგიზ ფხალაძე - საშიშ ფაზაში ვიმყოფებით, მსოფლიოში მიმდინარე პროცესები ყურადღების მიღმა გვრჩება, ყველაფერს ვაკეთებთ სახელმწიფოს ჩამოსაშლელად, მოწინააღმდეგეს მხოლოდ ისღა რჩება, რომ ამ პროცესში ხელი არ შეგვიშალოს
დიდი ფასდაკლება შერჩეულ პროდუქციაზე - სექტემბრის ტოპ შეთავაზება „მიჰაუსისგან“
კომპანია “ლისი რეკრეაცია” ლისის ტბასთან დაკავშირებით ინფორმაციას ავრცელებს