ხატია დეკანოიძე - ზუსტად 21 დღეში ქუთაისს უნდა ჰყავდეს მერი, რომელიც არ იქნება არც ერთი პოლიტიკური პარტიის დაკვეთების შემსრულებელი

ზუსტად 21 დღეში, 2 ოქტომბერს, თითოეული ჩვენი თანამოქალაქე და თქვენ, ჩემი ქუთაისელები, ამ ხელისუფლებას უარს ეტყვით, რათა საქართველო არ დატოვოთ წარსულში და არ იყოს გამოცხადებული სიკვდილის ქრონიკა, - ამის შესახებ ქუთაისში ოპოზიციის ნაწილის მერობის კანდიდატმა, ხატია დეკანოიძემ განაცხადა.

მისივე თქმით, საქართველოში უნდა შეწყდეს „სიკვდილის ქრონიკა“, რითაც მან კორონავირუსით გარდაცვლილთა დიდ რაოდენობას გაუსვა ხაზი.

„ყველა ვხედავთ, რომ უმძიმესი მემკვიდრეობის მქონე ხელისუფლების წარმომადგენლები მხოლოდ ოპოზიციურ პარტიებზე საუბრობენ. თანამოქალაქეებო, ჩვენ ვიქნებით პასუხისმგებელი იმაზე, რომ ამ ქვეყანას დავუბრუნოთ მომავალი, რათა საქართველო იყოს ისეთი, როგორიც ჩვენ წარმოგვიდგენია. ზუსტად 21 დღეში ქუთაისს უნდა ჰყავდეს მერი, რომელიც არ იქნება არც ერთი პოლიტიკური პარტიის დაკვეთების შემსრულებელი და იქნება ადამიანი, რომელიც თავის სიტყვას თქვენთვის იტყვის. ზუსტად 21 დღეში ჩვენ უნდა ავირჩიოთ ქვეყნის მომავალი ან ქვეყნის წარსული”, - განაცხადა დეკანოიძემ.

როგორც მან აღნიშნა, არჩევნების შედეგად, ოპოზიცია იმ ადამიანების დამარცხებას აპირებს, რომლებიც არა მათ, “არამედ ქვეყნის მტრებად გადაიქცნენ”.

დიმიტრი შველიძე - ახლა პოლიტიკური ელიტა იდეებისაგან დაცლილია, ფულის ფაქტორი გადამწყვეტია, სოციალური პოლარიზაცია უძლეველია და კაცმა არ იცის, ელექტორატის უმრავლესობა ვის უჭერს მხარს
ქართული პრესის მიმოხილვა 20.09.2021
თენგიზ ფხალაძე - საშიშ ფაზაში ვიმყოფებით, მსოფლიოში მიმდინარე პროცესები ყურადღების მიღმა გვრჩება, ყველაფერს ვაკეთებთ სახელმწიფოს ჩამოსაშლელად, მოწინააღმდეგეს მხოლოდ ისღა რჩება, რომ ამ პროცესში ხელი არ შეგვიშალოს
დიდი ფასდაკლება შერჩეულ პროდუქციაზე - სექტემბრის ტოპ შეთავაზება „მიჰაუსისგან“
კომპანია “ლისი რეკრეაცია” ლისის ტბასთან დაკავშირებით ინფორმაციას ავრცელებს