ალუდა ღუდუშაური - გენპროკურორის შერჩევის წესმა შეიძლება რყევები გამოიწვიოს - ცვლილება, რომელიც ვერ უზრუნველყოფს ქვეყნის დაცულობას პოლიტიკური რყევებისგან, არ იქნება მართებული კონსტიტუციაში აისახოს

გენპროკურორის შერჩევის წესმა შეიძლება რყევები გამოიწვიოს - ცვლილება, რომელიც ვერ უზრუნველყოფს ქვეყნის დაცულობას პოლიტიკური რყევებისგან, არ იქნება მართებული კონსტიტუციაში აისახოს,- ამის შესახებ საპარლამენტო უმრავლესობის წევრმა ალუდა ღუდუშაურმა საკონსტიტუციო ცვლილებებთან დაკავშირებით განაცხადა.

როგორც მან აღნიშნა, საკონსტიტუციო ცვლილებების პროექტში ყველა საკითხს დეტალურად გაივლიან და გადაწყვეტილებას ქვეყნის ინტერესებიდან გამომდინარე მიიღებენ.

"ჩვენ ვმოქმედებდით და კვლავაც ვიმოქმედებთ იმ პრინციპით, რაც არის ქვეყნისთვის და საზოგადოებისთვის უმჯობესი, ამ გამოსავლით ვიხელმძღვანელებთ კვლავაც. ჩვენ სრულყოფილად და დეტალურად გავივლით ყველა ახლებურად დასარეგულირებელ მიდგომას და მხარს დავუჭერთ იმ ცვლილებას, რომელიც არის ქვეყნისთვის და საზოგადოებისთვის უმჯობესი. მე პირადად მიმაჩნია, რომ გენერალური პროკურორის შერჩევისა და განწესების წესმა შეიძლება რყევები გამოიწვიოს. ნებისმიერი ცვლილება კონსტიტუციაში უნდა უზრუნველყოფდეს ქვეყნის სტაბილურობას და დაცულობას, ცვლილება, რომელიც ვერ უზრუნველყოფს ქვეყნის დაცულობას სხვადასხვა პოლიტიკური რყევებისგან, სუბიექტური მიდგომებისგან, არ იქნება მართებული კონსტიტუციაში იყოს ასახული,"- განაცხადა ღუდუშაურმა.

ცნობისათვის, საკონსტიტუციო ცვლილებების პროექტი მომდევნო ორი საპარლამენტო არჩევნებისთვის ბარიერის 2 პროცენტამდე დაწევას ითვალისწინებს და მანდატების განაწილების პროპორციულ წესს ადგენს. ასევე, ცვლილებების მიხედვით, საპარლამენტო ფრაქციების შესაქმნელად წევრთა რაოდენობა 7-დან 4-მდე მცირდება. ამავე პროექტის თანახმად, შემდეგი გენერალური პროკურორები კვალიფიციური უმრავლესობით აირჩევიან, ხოლო თუ ამ წესით არჩევა ვერ მოხდა, არჩევა შესაძლებელი იქნება 76 დეპუტატის მხარდაჭერით.

რამაზ საყვარელიძე - თუ „ქოც/ნაცებმა“ მიაღწიეს საწადელს, ისევ დატოვეს ამომრჩეველი ორ პოლუსს შორის, მაშინ არაფერი შეიცვლება, ამ კინოსაც ის დასასრული ექნება, რაც ადრინდელ კინოებს ჰქონდათ
ქართული პრესის მიმოხილვა 23.09.2021
დიმიტრი შველიძე - ახლა პოლიტიკური ელიტა იდეებისაგან დაცლილია, ფულის ფაქტორი გადამწყვეტია, სოციალური პოლარიზაცია უძლეველია და კაცმა არ იცის, ელექტორატის უმრავლესობა ვის უჭერს მხარს
წინანდლის ფესტივალის პრესსამსახური განცხადებას ავრცელებს
ქართველმა მეცნიერებმა და ევროკავშირის დაძმობილების პროექტის ექსპერტებმა "მწვანე გარიგების” პერსპექტივები განიხილეს
„სს ფუდმარტი“ რიგით მე-500 მაღაზიას ხსნის
სტერეო +  განცხადებას ავრცელებს