სამინისტრო - ახალციხის ზონალურ-დიაგნოსტიკურმა ლაბორატორიამ საერთაშორისო ტესტირება წარმატებით გაიარა

სოფლის მეურნეობის სახელმწიფო ლაბორატორიის ახალციხის ზონალურ-დიაგნოსტიკურმა ლაბორატორიამ საერთაშორისო საკვალიფიკაციო ტესტირება წარმატებით გაიარა.

როგორც გარემოს დაცვისა და სოფლის მეურნეობის სამინისტროს მიერ გავრცელებულ ინფორმაციაშია ნათქვამი, საკვალიფიკაციო ტესტირება განსაკუთრებით საშიში დაავადების - თურქულის დიაგნოსტიკას ეხებოდა.

„საკვალიფიკაციო ტესტირება ორგანიზებული იყო დიდი ბრიტანეთის პირბრაიტის ინსტიტუტის (The Pirbright Institute) მიერ. პირბრაიტის ინსტიტუტი წარმოადგენს მსოფლიო დონის სამეცნიერო-კვლევით ჰაბს, იგი ცხოველთა ჯანმრთელობის მსოფლიო ორგანიზაციის (OIE) და გაერთანებული ერების სურსათის და სოფლის მეურნეობის ორგანიზაციის (FAO) მიერ აღიარებულია დაავადება თურქულზე საერთაშორისო საცნობარო ლაბორატორიად. პირბრაიტის ინსტიტუტი ყოველწლიურად ატარებს საკვალიფიკაციო ტესტირებებს გლობალური მაშტაბით.

საკვალიფიკაციო ტესტირების მიზანია, დაამტკიცოს, რომ ლაბორატორიას შეუძლია აღნიშნული დაავადების ზუსტი იდენტიფიკაცია, რაც ახალციხის ზონალურ-დიაგნოსტიკურმა ლაბორატორიამ 100%-ით შეასრულა.

მნიშვნელოვანია აღინიშნოს, რომ სოფლის მეურნეობის სახელმწიფო ლაბორატორიის პერსონალი ყოველწლიურად წარმატებით გადის პროფესიულ საკვალიფიკაციო ტესტირებებს. ლაბორატორიაში არსებული კვლევის მეთოდები კი, საერთაშორისოდ აკრედიტირებულია.

დამატებითი ინფორმაცია ლაბორატორიაში არსებული სერვისებისა და ფასების შესახებ იხილეთ ვებგვერდზე - http://sla.gov.ge/Ge/Tariffs “,- ნათქვამია ინფორმაციაში.

კახა გოგოლაშვილი - ევროპარლამენტი საქართველოს ევროკავშირში ინტეგრაციის შესაძლებლობას ზრდის, ახლა ჯერი ჩვენზეა
ქართული პრესის მიმოხილვა 02.12.2022
დავით სიხარულიძე - ისტორიას არ ახსოვს, რომ რომელიმე ქვეყანა ძალით ნატო-ში, ან ევროკავშირში მიეღოთ
„ასტრაზენეკამ“ პროექტის „თანადგომა“ შემაჯამებელი ღონისძიება გამართა
ღვინო, რომელიც ბედნიერებას იმახსოვრებს - „მარნაველი“ - CBS ჯგუფის ახალი მიმართულება და 2022 წლის წარმატება ღვინის ბიზნესში
„კარფური" გაფართოებას აგრძელებს - თბილისში ახალი სუპერმარკეტი გაიხსნა
„ნიუ ჰოსპიტალსი“ აშშ-ის შეიარაღებული ძალების სამედიცინო სერვისების მომწოდებლად შეირჩა
გაფრთხილდი და გააფრთხილე, ჩვენი ფინანსების უსაფრთხოება ჩვენს ხელშია
„ლიბერთიმ“ განვადების აქცია დაიწყო
ბაზისბანკის ინვესტიციით, რუსთავში სავაჭრო ცენტრი და საცხოვრებელი კომპლექსი შენდება