7 სექტემბერს პარლამენტის საშემოდგომო სესია იხსნება. რეგლამენტის თანახმად, საშემოდგომო სესია სექტემბრის პირველ სამშაბათს იხსნება და დეკემბრის მესამე პარასკევს იხურება.

საშემოდგომო სესიის პირველ პლენარულ სხდომაზე განსახილველად კონსტიტუციურ კანონში ცვლილებების პროექტი გადის. ამასთან, ხვალვე ბიურო პლენარული სხდომის დღის წესრიგს განსაზღვრავს და დაამტკიცებს.

აღსანიშნავია, რომ ადგილობრივი თვითმმართველობის არჩევნებამდე ერთი თვით ადრე პარლამენტი პასიური მუშაობის რეჟიმში გადადის, რა დროსაც, შესაძლებელია არჩევნებამდე დარჩენილ დროში პლენარული და საკომიტეტო სხდომები არ გაიმართოს.