მამუკა მდინარაძე - გახარიას პარტიის წევრებისთვის, მათ შორის ჩვენზე განაწყენებულებისთვის წყალგამყოფი აღმოჩნდა, რომ მან კალაძის წინააღმდეგ დააყენა კანდიდატურა და ამან დააჩქარა „ფეიკ“ პარტიის დაშლის პროცესი

როგორც ჩანს, გახარიას პარტიის წარმომადგენლებისთვის, მათ შორის ჩვენზე განაწყენებული ადამიანებისთვის, ამომრჩეველს ვგულისხმობ, წყალგამყოფი აღმოჩნდა ის ფაქტი, რომ გიორგი გახარიამ კალაძის წინააღმდეგ დააყენა კანდიდატურა და ამ ფაქტორმა, დააჩქარა ახლად შექმნილი „ფეიკ“ პარტიის დაშლის პროცესი, - ამის შესახებ „ქართული ოცნების“ ერთ-ერთმა ლიდერმა, მამუკა მდინარაძემ ჟურნალისტებს განუცხადა. მდინარაძის თქმით, ის ამომრჩეველი, რომელიც გარკვეულწილად შესაძლოა „ქართულ ოცნებაზე“ იყოს განაწყენებული, დარწმუნდა იმაში, რომ ყოფილი პრემიერ-მინისტრი გიორგი გახარია მმართველი პოლიტიკური პარტიის „პროექტი“ არ არის.

მისივე განცხადებით, მიუხედავად იმისა, რომ პარტია „საქართველოსთვის“ ლიდერმა იცის, რომ ადგილობრივ თვითმმართველობის არჩევნებში ვერ გაიმარჯვებს, საკუთარი კანდიდატურა მაინც დააყენა, რაც, მდინარაძის თქმით, იმაზე მეტყველებს, რომ ის „ნაციონალური მოძრაობის“ თავმჯდომარესა და თბილისის მერობის კანდიდატს, ნიკა მელიას გამარჯვებაში ეხმარება.

„ეს ადამიანები ამბობენ, რომ ისინი არიან მოტყუებულები, მათგან რამდენიმეს, როგორც აღმოჩნდა და არა ერთია ასეთი ადამიანი, ნამდვილად და გულწრფელად სჯეროდა, რომ ეს იყო „ქართული ოცნების“ პროექტი და ამ ფაქტმა ეჭვებში აღარ დატოვა სივრცე სპეკულაციისთვის. ყველამ კარგად იცის რეალობა რაც არის და ჩვენი მოქალაქეები ხვდებიან, რომ ეს არ არის სიმართლე, ეს არის „მაშველი რგოლი“ „ნაცმოძრაობისათვის,“ განსაკუთრებით მას შემდეგ, რაც ფუნქცია დაკარგა. რაც შეთანხმების ანულირება მოხდა, გახარიას პარტიამ დაკარგა ფუნქცია და მან შეიძინა პერსონალურად ახალი ფუნქცია, რომ რამენაირად მეორე ტურში გადაიყვანოს მელია, რადგან ირაკლი კობახიძის სიტყვებს გავიმეორებ, არჩევნები ნამდვილად არ არის ოლიმპიადა, რომ იბძროლო ბრინჯაოს მედლისათვის. მაშინ კითხვა, რატომ შემოდის ეს ადამიანი არჩევნებში, როდესაც გარანტირებული აქვს მესამე ადგილი, ანუ ის ეხმარება ვიღაცას, კალაძეს რომ არ ეხმარება ნამდვილად ვიცით“, - განაცხადა მამუკა მდინარაძემ.

დიმიტრი შველიძე - ახლა პოლიტიკური ელიტა იდეებისაგან დაცლილია, ფულის ფაქტორი გადამწყვეტია, სოციალური პოლარიზაცია უძლეველია და კაცმა არ იცის, ელექტორატის უმრავლესობა ვის უჭერს მხარს
ქართული პრესის მიმოხილვა 20.09.2021
თენგიზ ფხალაძე - საშიშ ფაზაში ვიმყოფებით, მსოფლიოში მიმდინარე პროცესები ყურადღების მიღმა გვრჩება, ყველაფერს ვაკეთებთ სახელმწიფოს ჩამოსაშლელად, მოწინააღმდეგეს მხოლოდ ისღა რჩება, რომ ამ პროცესში ხელი არ შეგვიშალოს
დიდი ფასდაკლება შერჩეულ პროდუქციაზე - სექტემბრის ტოპ შეთავაზება „მიჰაუსისგან“
კომპანია “ლისი რეკრეაცია” ლისის ტბასთან დაკავშირებით ინფორმაციას ავრცელებს