"ლელოს" ლიდერი, მამუკა ხაზარაძე მიიჩნევს, რომ საქართველოს ყოფილი პრეზიდენტის, მიხეილ სააკაშვილის საქართველოში დაბრუნების თაობაზე მორიგი განცხადება “ქართული ოცნების" წისქვილზე წყლის დასხმა.
"მიხეილ სააკაშვილის მორიგი წინასაარჩევნო განცხადება, საქართველოში ჩამოსვლასთან დაკავშირებით, ივანიშვილის და "ოცნების" წისქვილზე წყლის დასხმა და საერთო ოპოზიციური ფრონტისთვის გამარჯვებაში ხელის შეშლაა.
ამ გამარჯვების მისაღწევად "ლელო" აგრძელებს კოორდინირებულ მუშაობას არჩევნებში მონაწილე ნამდვილ ოპოზიციურ ძალებთან.
2 ოქტომბერს "ოცნება" დამთავრდება და დაიწყება საქმის კეთება" , - წერს ხაზარაძე.
ცნობისთვის, საქართველოს ყოფილი პრეზიდენტი მიხეილ სააკაშვილი თვითმმართველობის არჩევნებზე საქართველოში ჩამოსვლას აანონსებს. სააკაშვილი საქართველოში ჩამოსვლისკენ უცხოეთში მყოფ სხვა მოქალაქეებსაც მოუწოდებს და აცხადებს, რომ დაპატიმრების არ ეშინია.