როგორ მესმის ზოგიერთი იმ ადამიანის, რომელიც ელოდა საქართველოში თვითმფრინავის ჩამოვარდნას, ისე როგორც სისტემის დანგრევას ელოდება დღეს რამდენიმე ადამიანი. მე მინდა ყველა მათგანს ვუთხრა, კოვზი ნაცარში ჩაუვარდებათ,- ამის შესახებ საპარლამენტო უმრავლესობის წევრმა ლადო კახაძემ პარლამენტის საშემოდგომო სესიის პლენარულ სხდომაზე განაცხადა.

როგორც ლადო კახაძემ აღნიშნა, საქართველოში არჩევნები სუფთა გარემოში ჩაივლის და მოქალაქეები მიიღებენ იმ შედეგს, რომელსაც ნამდვილად იმსახურებენ.

„ვეებერთელა მადლობა მინდა ვუთხრა ხომალდის მეთაურს თემურ თოლომაშვილს და გიორგი გიუნაშვილს, რომელთაც თავისი უმაღლესი პროფესიონალიზმით გადაარჩინეს თვითმფრინავის ბინადრები და რწმენა დაუბრუნეს კაცობრიობის იმ ნაწილს, რომელიც ურწმუნოებით იყო პროფესიონალიზმის მიმართ გამსჭვალული, რომ მაღალპროფესიონალიზმის ხელში უსაფრთხოება გარანტირებული იქნება და როგორ მესმის ზოგიერთი იმ ადამიანის, რომელიც ელოდა საქართველოში თვითმფრინავის ჩამოვარდნას, ისე როგორც სისტემის დანგრევას ელოდება დღეს რამდენიმე ადამიანი. მე მინდა ყველა მათგანს ვუთხრა, კოვზი ნაცარში ჩაუვარდებათ. სისტემა გაივლის სუფთა გარემოში და არჩევნებიც სუფთად ჩატარდება და იმ შედეგს მიიღებს ქართველი ხალხი, რომელსაც ის ნამდვილად იმსახურებს,“- განაცხადა ლადო კახაძემ.