სპორტული შეჯიბრებები მაყურებლის გარეშე ჩატარდება, ხოლო შეჯიბრის მონაწილე ან უნდა იყოს აცრილი, ან უნდა ჰქონდეს PCR ტესტი ჩატარებული
მიღებულია გადაწყვეტილება სხვადასხვა სპორტული შეჯიბრებების ჩატარების შესახებ, ოღონდ შეჯიბრები ჩატარდება მაყურებლის გარეშე,- ამის შესახებ უწყებათაშორის საკოორდინაციო საბჭოსთან არსებული ოპერაციული შტაბის უფროსმა, გიორგი ღიბრაძემ, უწყებათაშორისი საბჭოს სხდომის შემდეგ გამართულ ბრიფინგზე განაცხადა.
მისი თქმით, ყველა მონაწილე უნდა იყოს ან აცრილი, ან უნდა ჰქონდეს 72 - საათიანი PCR ტესტი ჩატარებული.
„მიღებულია გადაწყვეტილება სხვადასხვა სპორტული შეჯიბრებების ჩატარების შესახებ, ოღონდ შეჯიბრები ჩატარდება მაყურებლის გარეშე, მაგრამ ყველა მონაწილე უნდა იყოს ან აცრილი, ან უნდა ჰქონდეს 72 საათიანი PCR ტესტი ან 24 სთ-ის მანძილზე მოქმედი ანტიგენის ტესტი“,-განაცხადა ღიბრაძემ.
