დავით უსუფაშვილი ირაკლი კობახიძეს - მადლობა იმისთვისაც, რომ დღეს კეთილი და მოწყალე ბრძანდებით

ცხონებულ მამაჩემს ასე მკაფიოდ რომ დავერიგებინე, რა არის სისულელე, რა არის სიმახინჯე, როგორ უნდა ვიცხოვროთ და როგორ არ მივიღოთ მონაწილეობა არასწორ საქმეებში, შეიძლება, მეც კაცი გამოვსულიყავი. მადლობა იმისთვისაც, რომ დღეს კეთილი, მოწყალე ბრძანდებით, - ასე მიმართა ფრაქცია "ლელო- პარტნიორობა საქართველოსთვის" დეპუტატმა დავით უსუფაშვილმა უმრავლესობის ლიდერს ირაკლი კობახიძეს პარლამენტის საშემოდგომო სესიის სხდომაზე, სადაც კონსტიტუციურ კანონში დაგეგმილ ცვლილებებს განიხილავენ.

როგორც უსუფაშვილმა აღნიშნა, გაუგებარია რატომ ვერ ჩამოთვალეს ის პუნქტები, რომელზეც შეთანხმდნენ.

„ბატონო ირაკლი, თინა ბოკუჩავასგან განსხვავებით, მე მადლობა მინდა მოგახსენოთ. ცხონებულ მამაჩემს ასე მკაფიოდ რომ დავერიგებინე, რა არის სისულელე, რა არის სიმახინჯე, როგორ უნდა ვიცხოვროთ და როგორ არ მივიღოთ მონაწილეობა არასწორ საქმეებში შეიძლება, მეც კაცი გამოვსულიყავი. მადლობა იმისთვისაც, რომ დღეს კეთილი, მოწყალე ბრძანდებით და მზად ხართ, რომ შეთანხმება ბოლომდე მივიყვანოთ, მაგრამ ამ ოთხწუთიან გამოსვლაში, რა პრობლემა გაჩნდა ისეთი, რომ ვერ ჩამოვთვალეთ ის პუნქტები, რომელზეც შევთანხმდით - გენერალური პროკურორის დანიშვნის თაობაზე ვერ შეთანხმების შემთხვევაში თქვენ, თქვენი გუნდის სახელით იღებთ პასუხისმგებლობას, რომ მხარს უჭერთ იმას, რომ ამიერიდან, ამ ცვლილებების შეტანის შემდგომ ყოველი არჩევნები, როცა არ უნდა ჩატარდეს და როგორც არ უნდა ჩატარდეს ის - რიგითი, თუ მორიგი, იქნება პროპორციული, ბარიერი 2% , 4 კაცი ფრაქციაში შემდეგი ორი მოწვევა. აი ეს გაიმეორეთ იმისათვის, რომ არ იყოს გარკვეული სპეკულაციები“, - აცხადებს უსუფაშვილი.

პარლამენტი, პლენარული სხდომის ფორმატში, კონსტიტუციურ კანონში დაგეგმილ ცვლილებებს იხილავს. განხილვა პირველი მოსმენით მიმდინარეობს.

ვახტანგ ძაბირაძე - თუ ხელისუფლება და ოპოზიცია მეორე ტურის უკეთ გასაკონტროლებლად კონკრეტულ მექანიზმებზე ვერ შეთანხმდნენ, მაშინ გამოვა, რომ ორივე მხარე შეგნებულად მიდის ვითარების გამწვავებაზე
ქართული პრესის მიმოხილვა 14.10.2021
ვიტალი ბალა - თუ სააკაშვილის კიევში დაბრუნებასთან დაკავშირებით უკრაინისა და საქართველოს პირველ პირებს შორის შეთანხმება იქნა მიღწეული, ამ თემაზე საქართველოს ხელისუფლების ადრე გაკეთებული განცხადებები ბევრს არც არაფერს ნიშნავს
„გორგია“ ბათუმში დაზარალებულ ყველა ოჯახს მათთვის საჭირო ტექნიკას, ავეჯსა და საყოფაცხოვრებო ნივთებს გადასცემს
ქართულ ბაზარზე ახალი ინოვაციური ბრენდი „მულტი“ შემოდის
BTU აბიტურიენტებისთვის და მაგისტრანტობის კანდიდატებისთვის მასშტაბურ პროექტს იწყებს