ერთ-ერთი მთავარი საკითხი, რომელზეც ეუთო-ს საპარლამენტო ასამბლეის პრეზიდენტთან შეხვედრაზე ვისაუბრეთ, არის ოკუპირებული ტერიტორიები - გვაქვს და გვექნება მხარდაჭერა საერთაშორისო საზოგადოებისგან და ეუთო-ს საპარლამენტო ასამბლეისგან, - ამის შესახებ საქართველოს პარლამენტის თავმჯდომარემ, კახა კუჭავამ ავსტრიაში, ეუთო-ს საპარლამენტო ასამბლეის პრეზიდენტთან გამართული შეხვედრის შემდეგ განაცხადა.

კახა კუჭავას თქმით, შეხვედრაზე საქართველოს ოკუპირებულ რეგიონებში არსებულ მძიმე მდგომარეობაზე ისაუბრეს.

„ვისაუბრეთ იქ არსებულ მდგომარეობაზე, რომელიც ყოველდღიურად წარმოადგენს თითოეული იქ მცხოვრებისთვის საკმაოდ დიდ გამოწვევას და პრობლემას. განვიხილეთ ის ახალი გზები, თუ როგორ შეიძლება, ამ გამოწვევებს უფრო ეფექტიანად ვებრძოლოთ. გვაქვს და გვექნება მხარდაჭერა საერთაშორისო საზოგადოებისგან და ეუთოს საპარლამენტო ასამბლეისგან“,- განაცხადა საქართველოს პარლამენტის თავმჯდომარემ.